Nafea te toto ia faaora i to outou ora?

I TE mau mahana atoa, e tia i te mau taata ia rave i te mau faaotiraa i te pae morare no nia i to ratou oraora-maitai-raa: te poiraa i te tahi melo o te tino, te haamaruaraa i te tamarii, te “tiaraa ia maiti i te pohe.” Maitai pai e eita outou e rave i teie mau huru faaotiraa.

Teie râ, te vai ra te hoê uiraa te tia ia outou ia hiˈopoa: Nafea ia faaohipa i te toto no te faaora i te taata?

Ma te tano mau, te ani nei vetahi i teie mahana e, ‘Mea atâata anei te mau pâmuraa toto?’ Teie râ, e ere noa te reira i te hoê uiraa i te pae rapaauraa e i roto i teie tuhaa, te faahiti-pinepine-hia ra i te parau no te mau Ite no Iehova. Ua ite anei outou e no te aha râ teie mau taata e haapao nei i te tahi mau ture morare e e tiaturi nei hoi i te faufaa o te rapaauraa, e patoi ai i te mau pâmuraa toto?

Mai ta outou e ite atu, e ohipa ta outou huru faaohiparaa i te toto, ia au i te tuhaa i te pae rapaauraa e i te pae morare, i nia i te parururaa i te mea faufaa roa ˈˈe e vai ra ia outou ra, oia hoi: TE ORA.