3 No te mea te vai ra te tiaturiraa

No te taata, te faaite ra te Bibilia e “aita rea o ˈna pue mahana, e te î hoi i te peapea.” (Ioba 14:1) E farerei iho â ïa te taatoaraa o tatou i te ati e rave rau. Te vai ra râ vetahi o te ore e taa faahou e nafea. Mai te huru ra e aita roa ˈˈe e ravea e eita atoa ratou e nehenehe e oaoa i te hoê mahana. Tera atoa anei to oe manaˈo? Mai te peu e e, a hiˈopoa na i ta te Bibilia tiaturiraa tamahanahana mau. E ere no oe anaˈe, no te taata atoa râ. A hiˈo na:

• Te haapii ra te Bibilia e ua opua te Atua ra o Iehova i te oraraa maitai no tatou.—Genese 1:28.

• Te fafau ra te Atua ra o Iehova e faariro i te fenua nei ei paradaiso.—Isaia 65:21-25.

• E tupu iho â tera parau fafau. Te na ô ra te Apokalupo 21:3, 4:

  “Tei ǒ te taata ra te sekene o te Atua, e e parahi oia i roto ia ratou ra, e ei taata ratou no ˈna, e ei pihai atoa iho te Atua ia ratou, ei Atua no ratou. E na te Atua e horoi i to ratou roimata atoa; e e ore roa te pohe, e te oto, e te mihi, e te mauiui, e ore atoa ïa, no te mea ua mou te mau mea tahito ra.”

E ere tei parauhia ˈtu i te moemoeâ. Te opua ra te Atua ra o Iehova i te faatupu i te reira, e nehenehe e te hinaaro atoa ra hoi oia. E mea papu te tiaturiraa ta te Bibilia e horoa ra, te pahono atoa ra hoi i te uiraa “No te aha e faaoromai ai?”

A HAAMANAˈO: E tauiui noa paha to oe mau manaˈo, e au ïa e tei nia oe i te pahi e faaû ra i te miti rahi a aueue noa ˈtu ai. Noa ˈtu râ, e nehenehe te tiaturiraa o te Bibilia e riro ei tutau no te mau maite.

TA OE E NEHENEHE E RAVE I TEIE MAHANA: A haamata i te hiˈopoa i ta te Bibilia e haapii ra no nia i te tiaturiraa papu no a muri aˈe. E oaoa roa te mau Ite no Iehova i te tauturu ia oe. Eiaha e taiâ i te farerei ia ratou aore ra i te hiˈo i te mau haamaramaramaraa faufaa mau i nia i ta matou reni jw.org.a