Te “mata” o te maamaatai

PIRI atu i te aau e itehia ˈi te maamaatai. Mea maere mau te hohoˈa o to ˈna apu tei riro ei haana. I nia iho i tera tuhaa e vai ai te mau hiˈo haihai roa. E au atura ïa te reira ei mata no teie animara.

A hiˈo na: Ia au i te vea Natural History, a hiˈopoa ˈi te mau aivanaa i te apu o te maamaatai, ua itea ia ratou “e rave rahi puu ateate ma te hohoˈa taa ê tei rairai aˈe i te rouru taata.” Ua hamanihia te reira e te tahi huru taratiumu. Ua haapapuhia ïa e te vai ra te mau uaua uira i raro aˈe i to ˈna apu a nehenehe atu ai te mau hiˈo haihai roa e ite maitai i te maramarama. Maoti te hamaniraa taa ê o tera mau hiˈo haihai roa e ite maitai ai te maamaatai.

Ia au i te aivanaa Joanna Aizenberg, “te haapapu ra te hamaniraa o taua apu ra i te tahi manaˈo faufaa: i te pae o te ihi ora, e pinepine ua rau te ohipa ta te hoê taoˈa e nehenehe e rave.”

No te hamaniraa taa ê o te maamaatai, manaˈo atura te mau aivanaa e hamani i te tahi taoˈa o te î i te mau hiˈo haihai roa hamanihia e te tahi huru taratiumu. E nehenehe e faaohipa ei ravea haapurororaa i te mau haamaramaramaraa aore ra mori maoti te mau taura hiˈo rairai.

Eaha to oe manaˈo? Mea tupu noa anei te mata o te maamaatai? Aore ra mea poietehia anei?