‘Te tiai-ru-raa i te Paradaiso i mua nei’

Teie ta Aleksandr, 14 matahiti, i faahiti i roto i ta ˈna rata i papai atu i te amaa a te Taiete Watch Tower i Rusia. Ua fanaˈo na teie taurearea Rusia i te mau pueraa vea o Te Pare Tiairaa e te tahi atu mau papai neneihia e te mau Ite no Iehova. Te faataa ra oia i roto i ta ˈna rata e:

“I to ˈu revaraa e to ˈu nau metua i Khabarovsk na nia i te pereoo auahi, ua haafatata maira te mau Ite no Iehova ia matou. E rave rahi ta ratou i tauaparau mai no nia i te mau parau tohu Bibilia, te mau mahana hopea, e te ora mure ore i nia i te fenua nei.”

I te pae hopea, ua parau teie taurearea e: “Auê te oaoa te iteraa e fatata roa te hopea o te ino e nehenehe te taata e ora e a muri noa ˈtu i nia i te fenua nei! Te tiai ru nei au i te taime e riro ai te fenua nei ei paradaiso nehenehe mau. E mauruuru roa vau mai te peu e e papai mai outou ia ˈu nafea te mau haapiiraa Bibilia ia faaterehia.”

Peneiaˈe e hinaaro atoa oe e ite hau atu â no nia i te mau opuaraa a te Atua. Mai te peu e e, a faaî e a hapono te parau i raro nei i te amaa a te Taatiraa “Te mau Ite no Iehova,” B.P. 7715, 98719 Taravao, Tahiti, aore ra i te hoê o te mau vahi nohoraa i faataahia i te api 5.

□ A hapono mai i te hoê vea iti Eaha ta te Atua e titau ra ia tatou?

□ A faaite mai ia ˈu no nia i te hoê haapiiraa Bibilia tamoni ore i te fare o te taata.