“Hoê o te mau vea maitai roa ˈˈe”

Te A ara mai na!, ua taio aˈena anei outou? Eaha to outou manaˈo no nia i te vea o ta outou e tapea ra i roto i to outou rima? Te manaˈo ra anei outou e mea anaanatae, maimi-maitai-hia, e mea faataa-maitai-hia te mau tumu parau?

Ua papai te hoê taata papai na ˈna iho no Nigeria, i Afirika e: “Noa ˈtu e e ere vau i te hoê o te mau Ite no Iehova, e taata taio tamau ra vau i te A ara mai na! Ua riro te A ara mai na! ei hoê o te mau vea maitai roa ˈˈe. Ua riro te reira ei pu hamaniraa manaˈo no ˈu. E huti to ˈna api matamua i te ara-maite-raa e e faatupu mai te reira i roto i te mau taata taio pae tahi ore ia ru i te huri i to ˈna mau api. E horoa te vea tataitahi i te hoê faatupuraa ohipa faahiahia mau; te api tataitahi, te faahiahiaraa o te papairaa vea. Ma te tano e te papai-maitai-hia te mau tumu parau, ua riro te mau vea tataitahi ei faaiteiteraa faahiahia mau o te haamaramaramaraa faufaa e te faufaa roa.”

Te faaitoito atu nei matou ia outou ia tuatapapa i te mau tumu parau o teie vea ra o te A ara mai na! Mai te peu e e hinaaro outou i te tahi atu â vea, a papai atu ïa i te amaa a te Taatiraa “Te mau Ite no Iehova,” B.P. 7715, 98719 Taravao, Tahiti, aore ra i te hoê o te mau vahi nohoraa i te api 5. E oaoa roa ïa matou i te faatae atu i te tahi atu â mau vea aore ra, mai te peu e e hinaaro outou, ia haere mai te hoê taata e tuatapapa e o outou i te auraa o te tau o ta outou e ora nei.