Mea au na te hoê papai vea i te A ara mai na!

Tei roto te faaitoitoraa i muri nei i te vea ra High Country News o te 13 no Atopa 1997, neneihia i Paonia, i te hau no Colorado, i te mau Hau Amui no Marite.

“Eita paha te Greenpeace [te hoê faanahonahoraa paruru i te natura na te mau nunaa atoa] e haere faahou na te mau fare, te rave tamau nei râ te tahi atu pǔpǔ i ta ˈna aparauraa mai mutaa iho mai â, ma te faahiti pinepine i te mau tumu parau no nia i te natura. Te opere nei teie pǔpǔ e mau mirioni [oia hoi 19 mirioni numera] o teie mau vea na roto tau 60 [i teie nei e 81] reo, tae noa ˈtu i te mau reo Pidgin, Hiligaynon e Zoulou. Te ui ra te numera o te 8 no Tiurai [1997] i te api matamua e: ‘Na vai e faaora i ta tatou mau animala?,’ e e aamu to roto no nia i te faito oioi o te haamouraa (e toru i te hora), te ‘natura i nia i to tatou nei palaneta,’ e te faainoraa i te natura . . . Te tauaparau ra te numera o te 22 no Atete 1997 (Farani) i nia i ‘Te ati o te pape: Te hoê fifi rahi,’ e te mau faahopearaa o te maraaraa o te huiraatira, te haaviiviiraa e te faateimaharaa na te mau nunaa atoa no nia i te faaohiparaa i te mau anavai . . . Noa ˈtu e ua niuhia te mau haamaramaramaraa i nia i te ite aivanaa e mea maramarama atoa, e ere roa ˈtu te faaotiraa o e rave rahi o teie mau tumu parau i te manaˈo turu i te parururaa i te natura. Te na ô ra ratou e mai te peu e e hinaaro outou e apiti mai i roto i te tataîraa i te fenua, ‘A haapii ïa i ta te Atua e titau ra ia outou na roto i te tuatapaparaa i te Bibilia.’

“O te mau Ite no Iehova taua pǔpǔ ra, e o te A ara mai na! taua vea ra. Mai te peu e aita ratou i haere mai i ǒ outou ra, a ani atu ïa i te Watchtower Bible and Tract Society of New York Inc., 25 Columbia Heights, Brooklyn, NY 11201-2483.”

Aita ˈtu e parau maitai atu â ta matou e nehenehe e faahiti maoti râ “a papai i te vahi nohoraa piri roa ˈˈe i te api 5 o te A ara mai na!”