“E ite faufaa rahi e iteahia mai”

Ua papai te hoê taata o te ohipa ra e te vea ra THENEWS no Lagos, i Nigeria, i te amaa a te mau Ite no Iehova i roto i taua fenua ra e ua faataa oia i te vea ra A ara mai na! na roto i te mau parau i nia nei. Te faaite ra oia e:

“I te mau taime atoa e taio ai au i te hoê numera o te A ara mai na!, e hinaaro vau e papai ia outou. Teie râ, e mea pinepine, ia haamata anaˈe au i te papai i ta ˈu rata, e tae mai te tahi atu â vea maitai atoa, maitai roa ˈtu â hoi, e e haamaere faahou te reira ia ˈu.

“Eaha te tuhaa faufaa roa o te reira? I to ˈu manaˈoraa, o te hoê ïa ite faufaa rahi e iteahia mai te A ara mai na! Mea varavara i te itehia mai ia ˈu i te hoê vea faahiahia roa ˈˈe, nehenehe roa ˈˈe, aifaito roa ˈˈe, e tei hamani-maitai-roa ˈˈe-hia. O te hoê ô faufaa roa ˈˈe ïa te reira no te huitaata nei.

“Mai te hohonuraa mai o to ˈu mafatu, te hinaaro nei au e faaite i teie parau e: Ia taimirioni te haamauruururaa. A tamau noa i teie ohipa faahiahia.”

Te tiaturi nei matou e e fanaˈo atoa outou i te taioraa i te A ara mai na! Mai te peu e e hinaaro outou i te tahi atu numera aore ra ia haere mai te hoê taata i to outou fare no te paraparau no nia i te Bibilia e o outou, a papai atu i te amaa a te Taatiraa “Te mau Ite no Iehova,” B.P. 7715, 98719 Taravao, TAHITI, aore ra i te hoê o te mau vahi nohoraa i te api 5.