“Na hape e hitu a te ao nei”

UA PARAUHIA na e ua papai o Mohandas Gandhi i te hoê tabula o te mau mea o ta ˈna i pii “na hape e hitu a te ao nei.” Teie ïa:

• Monihia aita e ohiparaa

• Navenaveraa aita e haava manaˈo

• Ite aita e huru maitai

• Ohipa tapihoo aita e huru morare

• Ite aivanaa aita e huru taata

• Haamoriraa aita e tusia

• Ohipa politita aita e faaueraa tumu

Te parauhia ra e ua tuu mai â ta ˈna mootua ra o Arun Gandhi i te vau o te hape:

• Mau tiaraa aita e hopoia

Peneiaˈe e nehenehe ta outou e horoa mai vetahi atu â, tera râ, e tabula hohonu mau â teie. Ua haapotohia te pahonoraa a te Bibilia i teie mau “hape” i roto e piti ture: “[Hinaaro] oe i to Atua ia Iehova ma to aau atoa, e ma to [nephe] atoa, e ma to manaˈo atoa. O te ture matamua teie e te hau i te rahi. E mai te reira atoa te piti; E aroha ˈtu oe i to taata-tupu, mai to aroha ia oe iho na. Te ture atoa e te mau peropheta, tei teie nei ïa pue ture e piti nei.”—Mataio 22:37-40; MN.

[Faaiteraa i te fatu o te hohoˈa i te api 20]

UPI/Corbis-Bettmann