Te hoê mea ta te mau taurearea e titau ra i teie mahana

Ua parau te hoê tamahine e 14 matahiti to ˈna no New Jersey, i te mau Hau Amui no Marite, e i te omuaraa o teie matahiti, ua papai oia i te hoê tumu parau “No te aha te mau tamarii haere haapiiraa e haavare ai i te mau hiˈopoaraa.” Ua hopoi mai oia i ta ˈna buka ra Te uiui nei te mau taurearea—Mau pahonoraa ohie (Farani) i te fare haapiiraa no te rave i te mau maimiraa. Ua rave ihora te hoê o to ˈna mau hoa haapiiraa e ua haamata ˈtura i te taio i te mau upoo parau o te mau tuhaa o te tabula tumu parau, mai “Te taatiraa e te morare” e “Te haamatauraa, te here, e te tahi atu tamaroa aore ra tamahine.”

“E nehenehe anei ta ˈu e rave i teie buka?” o ta teie ïa hoa haere haapiiraa i ani mai.

“Ua faataa ˈtu vau e na ˈu hoi teie nei buka,” o ta te tamahine haere haapiiraa ïa i parau, “teie râ e hopoi mai au i te tahi na ˈna. I to ˈu na reiraraa, ua ite mai te tahi atu hoa haapiiraa i te buka e ua ani mai ia ˈu e ia afai mai atoa te tahi na ˈna. I muri noa ˈˈe, ua hopoi mai au ahuru mau buka ra Te uiui nei te mau taurearea na te mau tamarii haere haapiiraa o tei hinaaro i te hoê buka.”

Te manaˈo ra teie tamahine haere haapiiraa 14 matahiti e e mea faufaa ia noaa teie buka. Te na ô ra oia e: “Te hinaaro mau nei matou i teie nei buka no te mea e mea fifi roa ia riro mai ei taurearea i teie tau.”

Mai te peu e te hinaaro ra outou i te buka ra Te uiui nei te mau taurearea—Mau pahonoraa ohie aore ra ia haere mai te hoê taata no te tauaparau i te faufaaraa o te haapiiraa Bibilia e o outou, a papai atu i te amaa a te Taatiraa “Te mau Ite no Iehova,” B.P. 7715, 98719 Taravao, TAHITI, aore ra i te hoê o te mau vahi nohoraa i te api 5.