Eita te feia tarani e erehia

I ROTO i te totaiete aimamau i to tatou nei tau, ua riro te faarueraa i te pehu e te mau toetoeâ taoˈa atâta ei ohipa riaria. I te tahi aˈe pae, e ohipa faahiahia i te pae o te faanavairaa e te faaapîraa te poieteraa a te Atua. A rave na, ei hiˈoraa, i te ofaaraa manu meli. E ravea faufaa roa te hinu manu meli, te mauhaa paturaa o te ofaaraa manu meli—e titauhia i te hoê manu meli 16 tarama meli e te hoê faito huˈahuˈa rii o te huˈa tiare aore i itehia no te hamani noa 1 tarama hinu manu meli. Mea nafea te mau manu meli e haapao ai ta ratou hinu manu meli? “E tuati te mau iri hinu o te mau piha o te ofaaraa i e toru vahi ma te hoê oparaa e 120 teteri, ia au i te hohoˈa o te mau afata e ono poro nahonaho maitai” ta te buka ra By Nature‘s Design ïa e faataa ra. “Na roto i teie faanahoraa, e iti mai te rahiraa hinu ta te mau manu meli e faaohipa, ma te horoa atoa râ i te hoê vahi paari maitai no te haaputu i te meli.” Te anoihia ra ïa te hoê faanahoraa aravihi e te hoê hamaniraa nehenehe ma te haamâuˈa ore, e e nehenehe atoa e faaohipa-faahou-hia!

Mai te peu e e anaanatae outou i te taio i te mau tumu parau no nia i te ite aivanaa e te mau taoˈa o te natura e te hinaaro ra outou ia hapono-tamau-hia te vea ra A ara mai na!, a ani atu i te mau Ite no Iehova i to outou vahi faaearaa aore ra a papai atu i te amaa i faataahia i te api 5.