“Ua tahe to ˈu roimata”

“No hohora noa ˈtura vau i ta ˈu A ara mai na! no te 8 no mati 1995 e ua taio vau i te tumu parau i te api hopea o te faaite ra i te vea iti ra Ia pohe tei herehia e outou na. Teie te tumu parau ‘Eaha râ i te fifi rahi ia paari e aore oia i pihai iho ia ˈu.’ Ua tahe to ˈu roimata i to ˈu taioraa i te mau parau a te taurearea no Auteteria e ua pohe to ˈna metua tane a tahi ahuru matahiti i teie nei. E 50 matahiti to ˈu, e ua pohe to ˈu metua tane i te 7raa o to ˈu matahiti. Ua pohe o ˈna no te mariri ai taata i te 39raa o to ˈna matahiti. No haamata noa ˈtura vau i te mauiui no to ˈna poheraa a tapeahia ˈi au i te fare maˈi no te hepohepo rahi a ono matahiti i teie nei. Ua rapaauhia vau i te roaraa o na matahiti e pae i mairi aˈenei e ua haapii au e nafea ia faaruru i te tahi mau tupuraa fifi roa.

“Na mua ˈˈe au i taio ai i teie rata no Auteteria mai, ua tiaturi au e te vai ra te tahi ohipa tano ore roa i nia ia ˈu aore ra i nia i to ˈu faaroo. Ua manaˈo vau e o vau anaˈe te taata e mauiui ra i teie manaˈo ereraa rahi e te moemoe rahi no to ˈu metua tane. E mea itoito mau ia ite e e ere o vau anaˈe, e te manaˈo atoa ra te tahi atu mai ia ˈu nei.

“Ua hope ia ˈu i te taio i te vea iti ra Ia pohe tei herehia e outou na. I to ˈu manaˈoraa, teie te vea maitai roa ˈˈe i papaihia no to ˈu mau hinaaro.”—A. G. Vahine, no Connecticut, i te mau Hau Amui no Marite.

Ua pohe anei te hoê taata tei herehia e oe? E hinaaro anei oe e ite i te tamahanahanaraa mau ta te Bibilia e horoa ra? No reira a ani atu i te hoê o teie vea iti e 32 api na roto i te papairaa ˈtu i te amaa a te Taiete Watchtower, B.P. 7715, Taravao, TAHITI aore ra i te hoê o te mau vahi nohoraa i faataahia i te api 5.