Tauturu no te mau taurearea e hepohepo ra

I roto i te hoê fare haapiiraa i New Jersey, i Marite, ua peapea roa te hoê potii iti e ua horo o ˈna i rapaeau i te piha, tapapa ˈtura te hoê hoa haapiiraa ia ˈna i te vahi haumitiraa no te mau tamahine. “I te noaaraahia e au,” o ta te hoa haapiiraa ïa i parau, “te taˈi ra o ˈna e ua faaite mai o ˈna ia ˈu i te tahi mau fifi i roto i to ˈna utuafare. Ua taa to ˈna nau metua, e ua parau o ˈna e mea fifi no ˈna ia haamau i to ˈna feruriraa i nia i ta ˈna haapiiraa. Ua parau mai o ˈna ia ˈu e te hinaaro ra o ˈna e taie.”

Parau atura te hoa haapiiraa i te potii e hepohepo ra e te hinaaro ra o ˈna e afai mai na ˈna te buka ra Les jeunes s’interrogent—Réponses pratiques. Ua afai mai o ˈna i te mahana i muri iho, ma te tapao no to ˈna hoa i teie mau upoo parau “No te aha e tia ia ˈu ia ‘faatura i to ˈu metua tane e to ˈu metua vahine’?,” “No te aha o Mama e o Papa i taa ˈi?,” “Nafea vau e nehenehe ai e faaruru i te faateimaharaa a te mau hoa?,” e “E tia anei ia ˈu ia faarue i te fare?”

“I to ˈu horoaraa ˈtu i te buka ia ˈna ra,” o ta te hoa haapiiraa ïa i parau, “e piti potii ê atu tei ite mai e ua hinaaro e hiˈopoa. Ua faaite maira raua i to raua atoa hinaaro i te hoê buka. Horoa ˈtura vau na raua tataitahi i te hoê buka. Ite atura te tahi atu mau tamarii i roto i ta ˈu piha haapiiraa i te hurihuriraa te hoê o te mau potii i te mau api o te buka, e ua hinaaro ratou paatoa e mataitai. Ua haaati roa te buka i te piha ma te parau faatia a te orometua haapii.”

Mai te peu e e hinaaro oe i te hoê buka ra Les jeunes s’interrogent—Réponses pratiques aore ra i te hoê haapiiraa o te Bibilia tamoni ore i to oe fare, a papai i te amaa a te Taiete Watchtower, B.P. 518, Papeete, TAHITI aore ra i te hoê o te mau vahi nohoraa i faataahia i te api 5.