“Eaha râ i te fifi rahi ia paari e aore oia i pihai iho ia ˈu”

“TE PAPAI nei au i muri iho i to ˈu taioraa i ta tatou vea neneihia i te tairururaa hopea nei, oia hoi Ia pohe tei herehia e outou na, no te faaite atu i to ˈu mauruuru hohonu e te aau tae no te huru papai putapû e te faaitoito i te faaroo o taua vea ra.

“E 18 matahiti to ˈu. I te vauraa o to ˈu matahiti, ua pohe to ˈu metua tane i roto i te hoê ati purumu e noa ˈtu e ua mairi te ahuru matahiti i teie nei, mai te hohonuraa o to ˈu aau te vai noa nei â to ˈu moemoe ia ˈna. Eaha râ i te fifi rahi ia paari e aore oia i pihai iho ia ˈu. Mea rahi hoi te mau parau ta ˈu i hinaaro e parau atu ia ˈna, e tufa atu ia ˈna, e ite no nia ia ˈna. Auê te tamahanahana rahi ia haamanaˈo i te tiaturiraa here mau a Iehova no te tia-faahou-raa! E tahe roa to ˈu roimata. Te haamauruuru faahou nei au ia outou i te faaoraora-faahou-raa i to ˈu tiaturiraa.”—Te hoê taurearea Ite no Iehova i Auteteria.

Ua tae mai tau tatini rata mai teie te huru i te mau piha ohipa a te Taiete Watchtower i New York. Neneihia i teie nei i roto e 18 reo, te faatae nei teie vea e 32 api i te tapao tamahanahana i te mau mirioni taata. Mai te peu e te mauiui nei outou i te moeraa tei herehia e outou, eiaha e haamarirau a ani atu i te hoê vea na roto i te papairaa ˈtu i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 5.