“Auê te ‘pléthore’ o te ite e!”

TE AURAA o te parau “pléthore,” te hoê parau no ǒ mai i te mau reo latino e heleni tahito, o te “hoê ïa pue-noa-raa rahi, te hoê rahiraa faito rahi mau.” Ua papai te hoê taata taio i te mau vea Te Pare Tiairaa e te A ara mai na! i Sierra Leone, i Afirika tooa o te râ, i te mau parau faahitihia i nia nei, no nia i te mau buka matahiti taatihia o teie mau vea, faaineinehia na te Taiete Watchtower. Te na ô faahou mai oia e: “Auê ïa mau ofai taoˈa faahiahia o te paari faufaa roa! E mea varavara roa te tumu parau o te faaanaanatae mai ia ˈu nei aita i tuatapapahia i roto i te mau api o te hoê o taua mau buka taatihia ra. Te manaˈo pinepine ra e rave rahi mau taata ma te aau tae e e taata faatuitehia vau no te hoê haapiiraa tuatoru, e i to ˈu faˈiraa e aita vau i iriti aˈenei i te hoê opani o te hoê fare haapiiraa tuatoru, e maere ratou. Te faˈi nei râ vau e: ‘Eita, e taata taio mahâ ore noa vau i te mau vea Te Pare Tiairaa e te A ara mai na!’”

E matara taua mau vea ra i roto i te hoê buka taatihia i te mau matahiti atoa. E nehenehe râ e noaa mai outou i te mau vea i roto i te afata rata. Mai te peu e e hinaaro outou i teie mau vea, a haere e farerei i te mau Ite no Iehova o to outou vahi, aore ra a papai i te vahi nohoraa fatata roa ˈˈe ia outou, i faaitehia i te api 5.