Taoˈa faufaa i roto i te faarueraa pehu

Ua manaˈo te hoê taata no Honegeria o te reira ta ˈna i ite. Ua papai oia i te mau Ite no Iehova e ua faataa oia e:

“Te hinaaro nei au e faatae i te hoê aniraa i ta outou faanahonahoraa. Te hinaaro nei au e ani ia outou i Te Pare Tiairaa te faaite ra i te Basileia o Iehova e te buka E nehenehe oe e ora e a muri noa ˈtu i roto i te paradaiso i nia i te fenua nei.

“A vaiiho na ia ˈu ia faataa i te tumu o ta ˈu aniraa. I roto i to ˈu oire e taata ohi pehu vau i reira to ˈu iteraa i te vea. Ua tatahi au e ua afai au i te fare. I te fare ua tuatapapa vau e to ˈu utuafare i te reira. Te hinaaro nei matou e faarahi i to matou ite haihai. No reira, te ani nei matou ia outou i te haamaramaramaraa e te tauturu.”

Te oaoa nei te mau Ite no Iehova i te pahono i teie mau huru aniraa no te mau buka bibilia e no te tauturu ia noaa mai i te hoê ite maitai aˈe o te Bibilia. No reira, mai te peu e e hinaaro outou i te hoê vea o Te Pare Tiairaa aore ra e hinaaro outou ia haere mai te hoê taata i to outou fare e ia hiˈopoa e o outou i te tiaturiraa niuhia i nia i te Bibilia faaitehia i roto i te buka ra E nehenehe outou e ora e a muri noa ˈtu i roto i te paradaiso i nia i te fenua nei, a papai atu i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 5.