Te ravea no te mau fifi o te mau opu

Aita i maoro aˈenei, ua noaa i te hoê taata no Oklahoma, i te mau Hau Amui no Marite, te hoê vea A ara mai na! te tumu parau “E tahoê anei te mau opu atoa?” Ua papai te taata i roto i ta ˈna rata “Na te feia nenei Watchtower,” e:

“No teie nei to ˈu taioraa i ta outou vea o te A ara mai na! no te 22 no atete 1993 (beretane; vea tah. no te 8 no atete 1993) no nia i te fifi o te mau taairaa i rotopu i te mau opu. Ua maere, e ua putapû vau no to outou huru faataaraa maitai, aravihi no nia i taua fifi rahi ra.

“No oti noa mai ra ta ˈu mau haapiiraa no nia i te aamu o te mau Hau Amui i te haapiiraa tuatoru. I roto noa râ e 9 api o ta outou vea ua horoa outou i te hoê aamu papu maitai, te faataaraa, E TE RAVEA no teie fifi rahi hau roa ˈˈe i te mau api parau e te mau buka a te haapiiraa tuatoru e matara noa i roto e ono avaˈe. E mea aifaito maitai te mau tumu parau e eita e nehenehe e parau eaha te iri aore ra te opu o te feia papai.

“I te mea hoi e te rahi noa ˈtura te ao nei i te tapitapi no te mau fifi o te mau opu, te imi nei te mau taata atoa i teie mau huru haamaramaramaraa, rahi atu â i ta outou e nehenehe e nenei. Mauruuru no te itoito e nenei i te parau mau e te maramarama.”

Mai te peu e e hinaaro outou i te hoê A ara mai na! haponohia ˈtu i to outou fare, a papai i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 5.