E manu iti himene mau anei te reira?

TE ITEHIA ra te mau manu iti himene i te mau vahi atoa o te ao nei. Te ora nei ratou i nia i te mau fenua atoa, eiaha râ i te poro toetoe ra o te pae Apatoa. E rave rahi atoa motu na te moana e nohohia ra e te mau aere manu iti. E mea nehenehe mau ratou. A rave na i te manu iti no Marite ei hiˈoraa. E ‘faaite ratou i te hoê oraora taa ê i te vahi rahi mau i to ratou mau peni rearea, ereere e te anaana . . . , ma te mauê na nia i te mau aivi e te mau faa itea-ore-hia o te reva, e ta ratou mau taˈi mauriuri mǎrû!’—Book of North American Birds.

Tera râ, te vai ra hoê manu iti e nehenehe faito ore to ˈna—te manu ra Gouldian e hamani i to ˈna ofaaraa ma te faatautau, 12 tenetimetera i te roa, e itehia oia i te pae Apatoerau no Auteralia, i te vahi iho â râ e tupu ai te niauli. E nehenehe outou e ite i te tahi mau manu Gouldian i opanihia i roto i te mau afata vairaa manu o to outou vahi nohoraa. Te faataa ra te hoê buka parau paari e: “Na te reira i faatupu i te hoê faaitiraa rahi i te mau matahiti i mairi aˈenei.”

Ua hamanihia i roto i te utu o te mau manu iti te ravea no te tapea e no te tatara i te paa o te mau huero. “E tuuhia te huero tataitahi i roto i te hoê area taa ê i te niaraa o te utu e e haapararihia oia ma te tapiri i te taa no raro mai. I muri aˈe, e tatarahia te paa ma te tauturuhia e te arero, e e matara mai te maa o te horomiihia.” (Birds: Their Life, Their Ways, Their World) Tera râ, mai ta te manu iti Gouldian e rave ra, maoti i te imi i [te mau huero] i nia i te repo, e apaˈe oia i nia i te mau amaa tei reira te huero, aore ra e tatara oia i te mau huero ma te tapea i te hoê amaa iti tapiri mai.”—The Illustrated Encyclopedia of Birds.

Mai te peu e e ite noa ˈtu outou i te hoê manu iti Gouldian, a manaˈo na e te fanaˈo ra outou i te iteraa i te hoê poieteraa e peni huru rau mai teie te huru i nia i te hoê manu iti himene mai teie te huru.

[Hohoˈa i te api 31]

Te manu iti himene Gouldian

[Hohoˈa i te api 31]

Te manu iti himene no Marite