“E mea faahiahia roa te papairaa”

UA TAE mai te hoê rata haamauruururaa i te Taiete Watch Tower no ǒ mai i te hoê taata taio i Kalifonia, Hau amui no Marite, ua parau oia i roto e:

Te turai nei te A ara mai na! no nia i ‘Te moemoe—Eaha te tia ia outou ia rave’ (8 no setepa 1993) ia papai no te parau ia outou e ua oaoa roa vau i te mau vea apî. E mea faahiahia roa te papairaa, e mea papai-maitai-hia te mau tumu parau no nia i te moemoe na roto i te huru pehepehe. Ua faahiahia atoa vau i te haavare ore o te mau tumu parau oia hoi tei te taata moemoe anaˈe te hopoia o taua tupuraa ra. Te faaite mau nei te mau tumu parau i te here hohonu e te ara-maite-raa o Iehova i nia i to ˈna mau taata.”

Te operehia ra te mau vea Te Pare Tiairaa e te A ara mai na! e te mau Ite no Iehova na te ao nei. Ua neneihia te vea na mua noa ˈˈe mai, o te tuatapapa ra i te mau tauaparauraa o te mau tumu parau tano niuhia i nia i te Bibilia, i roto e 115 reo, e hau atu e 16 mirioni vea taitahi tei neneihia i te faito au noa. Te vea hopea, o te horoa ra i te haamaramaramaraa no nia e rave rahi tumu parau, tei roto ïa e 73 reo e fatata e 13 mirioni vea tei neneihia i te faito au noa.

Mai te peu e e hinaaro outou i teie mau vea, a haere e farerei i te mau Ite no Iehova i te Piha no te Basileia o to outou vahi, aore ra a papai i te vahi nohoraa fatata roa ˈˈe ia outou, i faaitehia i te api 5