Toto ino i horoahia no te feia i roohia i te taheraa toto maoro
UA RIRO te toto ei ohipa tapihooraa e taiohia e 2 000 000 000 dala marite e noaa mai i te matahiti hoê. E peapea rahi riaria tei itehia i roto i te parau no te imiraa moni i te fenua Farani. Ua haapohe te toto ino o te HIV e 250 rahiraa feia maˈi i roohia i te taheraa toto maoro e e tirotiro o te SIDA to ratou, e rave rahi â rahiraa hanere tei roohia i teie maˈi.—The Boston Globe, 28 no atopa, 1992, api 4.
Ua haapohe te hoê “parau faaau moˈa ore” i te pae no te oreraa e haapao i te parau no te rapaauraa e tae noa ˈtu hoi i te ohipa tapihooraa, i te tahi tau 400 mau taata helemani i roohia i te taheraa toto maoro, e fatata e 2 000 mau taata ê atu i roohia i te toto ino o te HIV.—Guardian Weekly, 22 no atete 1993, api 7.
Te vai atoa ra ta te fenua Kanada iho ati i te pae no te toto. Te parauhia ra e hau atu i te 700 mau taata no Kanada tei roohia i te toto ino o te HIV. Ua faaarahia te faatereraa e i te avaˈe tiurai 1984 ua opere te Satauro Ura i te toto ino o te SIDA i roto i te mau taata i roohia i te taheraa toto maoro i te fenua Kanada, hoê noa matahiti i muri aˈe, i te avaˈe 1985, te opaniraahia i te hoo atu te mau taoˈa e toto ino to roto .—The Globe and Mail, 22 no tiurai 1993, api A21, e te The Medical Post, 30 no mati 1993, api 26.
No Madrid mai i te fenua Paniora, i te 21 no eperera 1993, ua parau te hoê pu haapurororaa parau apî e e riro te fenua Paniora i te tauturu 1 147 mau taata i roohia i te taheraa toto maoro e e tirotiro o te SIDA to ratou maoti te toto e te pape toto i pâmuhia i roto ia ratou i te mau matahiti 1980 ra, ia au i te Faatereraa Hau e haapao i te parau no te Oraora-maitai-raa. Hau atu i te 400 tei roo-ê-na-hia i te SIDA e tei pohe.—The New York Times, 22 no eperera, api A13.
I te hopearaa o te matahiti 1982, ua haamata te mau Pu Hiˈopoaraa Maˈi i te faaara i te NHF (National Hemophilia Foundation) no nia i te mau fifi o te toto paari tuhaa VIII—e nehenehe te hoê noa pâmuraa i te reira e riro ei toto puru maitai no roto mai e 20 000 feia horoa toto, e hoê anaˈe te navai no te faaino i te pâmuraa. Ua horoahia te tahi faaararaa puai mau i te avaˈe mati 1983 ra, i te avaˈe me râ o taua matahiti ra, ua haapurara te NHF i te tahi parau oia hoi “te ru nei te NHF e ia tamauhia i te faaohipa i te tuhaa VIII.” E mai reira mai, ua maraa te faito pohe, e e rave rahi tausani teie e fifi nei â. E ere teie tuhaa VIII i te mea faufaa no te ora o te feia i roohia i te taheraa toto maoro; te vai râ te tahi atu mau ravea rapaauraa. E nehenehe hoi e rave rahi tausani taata e faaorahia. I te matahiti 1985 ra, ua itehia i te mau pu tuatapapa i te parau no te raau taero e, na roto i te haaveavearaa i taua tuhaa ra, e riro ïa i te maitai mai. Tera râ hoi, ua hoo-noa-hiâ te tuhaa aita i haaveaveahia.—Dateline NBC, 14 no titema 1993.
[Faaiteraa i te fatu o te hohoˈa i te api 29]
CDC, Atlanta, Ga.