Te hoê taime ta outou e ore e tia ia mairi

“Ia na reira outou ei manaˈoraa ia ˈu.” Ua faahitihia teie mau parau a to tatou Fatu o Iesu Mesia, e itehia i roto i te Luka 22:19, i te taime oia e faatupu ai i te oroa Haamanaˈoraa i to ˈna poheraa. Na te pohe o Iesu i iriti i te uputa i mua i te huitaata nei no te tiaturiraa e ora e a muri noa ˈtu i roto i te Paradaiso. No reira, e tia mau â ia tatou ia haamanaˈo i to ˈna poheraa.

E faatupu anei outou i te oroa Haamanaˈora i to ˈna poheraa i teie matahiti?

Ia farii mai na outou i teie nei titauraa a te mau Ite no Iehova, e amui mai i roto ia ratou no te haamanaˈo i teie ohipa faufaa roa. E tupu taua oroa ra i muri aˈe i te toparaa mahana i te taio mahana e tano i te 14 no Nisana i roto i te kalena avaˈe a te Bibilia. I teie matahiti, e tano taua taio mahana ra i te mahana maa, 26 no mati. E nehenehe ta te mau Ite no Iehova o te vahi o ta outou e faaea ra e faaite atu ia outou i te vahi e te hora mau i reira taua oroa ra e tupu ai.