Te sida, e te feia tuiroo

E MAERE te feia e taio nei i te mau buka no nia i te feia pohe, e te pohe nei e rave rahi feia tuiroo i te SIDA. Ua haapapu te vea Newsweek o te 18 no tenuare 1993, e mea rahi o taua mau taata ra o te pohe nei, ma te parau e: “I roto i te amaa tataitahi o te ihotumu—te oriraa, te hautiraa taata ora, te taioraa, te upaupa, te hamaniraa i te mau huru hohoˈa taa ê, te huru ahuraa, te afata teata, te mau hohoˈa—te tamau noa ra te faainoraa o te SIDA.”

Ua tapao atoa te vea Newsweek e: “Te faaauhia ra Paris mai ia New York aore ra Los Angeles: ua faaite te hoê tuatapaparaa e ua hau i te 60 i nia i te hanere o te tane pohe no Paris i te area matahiti 25 e tae roa ˈtu e 44 i roto i te ohipa papai vea, i te pae ite e te faaanaanataeraa, ua pohe oia i te SIDA.”

Ua faaite te vea People no te 23 no tenuare 1993, i roto i ta ˈna tumu parau “Mǎtaˈu i nia i te pape toetoe paari” i te parareraa o te SIDA o tei topa i nia i te feia aravihi o te faahee nei i nia i te pape toetoe paari. Ua parau oia e: “I roto i ta ratou taaro, ua hau i te 40 taata o tei pohe, ua peapea te feia tuiroo no te faaheeraa no marite apatoerau i te moeraa o to ratou mau hoa e te maraaraa riaria o te SIDA.”

Ua faaite o John Curry te hoê beretane o tei upootia i te re auro i te tataˈuraa Olympique, i roto i te vea mai “te taata tuiroo roa ˈˈe i te pae faaheeraa ua roo-atoa-hia oia i te SIDA.” Teie ïa ta ˈna i parau mai: “Ua pohe to ˈu mau hoa atoa i te SIDA.” No te aha e rave rahi mau taata faahee e roohia ˈi i te SIDA?

To ratou huru oraraa te tumu. Ta te vea People i faataa ia parau anaˈe oia e: “Te taˈi nei te feia faahee na nia i te pape toetoe paari, te mau taata faaineine, e te mau tia i te pohe o to ratou mau hoa, te peapea nei e te mǎtaˈu nei ia fifihia ratou e te taata no te SIDA e te parau o te peu mahu i roto i te faaheeraa.”

Oia mau, te taotoraa e te mau taata atoa—te raveraa apiti noa i te ohipa taatiraa i te pae tino te tane e te tane te tane e te vahine—ua riro ei tumu matamua o te SIDA. I te avaˈe titema 1991, ua faaite e piti taote no Kanada no te hoê vahine o tei pohe i te SIDA, ua faaite oia i te mau peu taatiraa ta ˈna i rave e e 70 feia hauti no roto mai i te hoê pǔpǔ Hockey. “Ua faatupu teie aamu i te hoê haama hohonu mau i roto i te mau pǔpǔ hauti hockey parauhia N.H.L.” ta te vea The New York Times no te 15 no titema 1991 i faaite. “Ua itehia taua huru tupuraa ra i roto i te mau pǔpǔ peapea o te mau taata hauti e ta ratou taata faaineine o tei putuputu no te aparau i nia i te tumu parau o te mahana.”

Eaha te tia ia rave? “Te poroi ta tatou e afai atu e ere i te omonoraa i te ravea parururaa i te taime taatiraa i te pae tino, te faataaraa râ e te taatiraa no te faaipoiporaa noa oia,” ta te hoê taata hauti hockey no te pǔpǔ no Montreal Canadiens i parau. “Eiaha e rave i te taatiraa i te pae tino ia tae roa ˈtu i te faaipoiporaa.” E ere te reira e aˈoraa apî, te faaara ra te Bibilia e: “A mauê ê atu i te faaturi.”—Korinetia 1, 6:18.

[Faaiteraa i te fatu o te hohoˈa i te api 15]

Focus On Sports