“Ua tumâhia o ‘Iehova’ na te mau Nazis”

E ITEHIA taua mau parau nei i nia i te api matamua o te New York Herald Tribune o te 20 no novema 1938. Te na ô ra te tumu parau e: “Ua faauehia te mau ekalesia porotetani i te tahi mau vahi o te fenua [Helemani] e faaore roa i te parau ra ‘Jehova’—te huru papai helemani o te iˈoa Iehova, no roto mai i te parau ra ‘Yahweh,’ te iˈoa hebera o te Atua—e te mau iˈoa atoa o te mau peropheta ati Iuda o te Faufaa Tahito.”

Pauroa teie mau mea atoa, o te mau parau haapurororaa ïa a te mau Nazis no te hamani ino i te mau ati Iuda. I taua atoa area taime ra, eita e ore o te hoê teie ravea no te aratai i te hoê hamani-ino-raa i nia i te mau Ite no Iehova, tei opani-roa-hia mai te matahiti 1933 maira e o tei hopoi-atoa-hia ˈtu i roto i te mau aua haavîraa.

I te matahiti 1933 ra, 19 268 mau Ite e ohipa ra i te fenua Helemani. I teie mahana, i muri aˈe i taua mau hamani-ino-raa uˈana a te mau Nazis ra e tae roa mai i teie nei, te faatereraa autahoê i te pae Hitia o te râ o te fenua Helemani, 163000 mau Ite i amui mai i roto 1938 amuiraa. E aita te iˈoa ra Iehova i tatarahia i roto i te paraparau a te mau Helemani. Ua itehia te mau Zeugen Jehovas, oia hoi te mau Ite no Iehova, na Helemani taatoa.

Mai te peu e te hinaaro ra outou i te tahi atu â mau haamaramaramaraa no nia i te mau Ite, a haere atu e farerei i te Piha o te Basileia e vai ra i ǒ outou, aore ra a papai mai i te vahi nohoraa fatata roa ia outou, ma te faaohipa i te tabura i api 5.

[Hohoˈa i te api 32]

Te amaa a te mau Ite no Iehova i Selters/Taunus, Helemani