Vai-ara-raa i te mau ohipa apî e tupu nei

Ua tae atu te hoê rata i papaihia e te tahi perepitero katolika e 77 matahiti, i te amaa a te mau Ite no Iehova no Helemani. Teie ta ˈna e faataa ra:

“Mai te opaniraahia iho â ta ˈu fare monahi e 25 matahiti i teie nei, ua faaea vau i roto i te hoê fare ruau. Aita vau e farii nei i te taatoaraa o ta outou mau tiaturiraa, te mea râ ta ˈu i taio i teie mahana i roto i Te Pare Tiairaa, tei faaitoito ia ˈu ia farii e te vai ara nei outou i te mau ohipa apî e tupu nei i to tatou tau. Ua riro mau â outou ei pare tiairaa, i te raveraa i ta te api piti e tǎpǔ ra, ‘i te araraa i nia i te mau ohipa e tupu nei i roto i teie nei ao, e faatupu ra i te parau tohu a te Bibilia.’

“Te faataa papu ra outou e ma te itoito i te mau parau a Paulo i roto i te Tesalonia 1, 5:3 e na ô ra: ‘E parau hoi te taata e, E hau, e aita e ino, ei reira ra ratou e roohia-noa-hia mai ai e te pohe oioi.’ Aita roa ˈtu e itehia nei i roto i ta matou nei ekalesia i te mau haamaramaramaraa mai teie te huru. Aita e taata e nehenehe e patoi i te mau ohipa a te varua moˈa i nia i te mau Ite o Iehova. . . . E oaoa roa vau i te taio tamau i ta outou mau vea.”

Na roto i te apee-atoa-raa i te hiˈoraa o teie nei perepitero katolika, e nehenehe outou iho e ite hau atu â nafea râ te mau ohipa e tupu nei i roto i teie nei ao, ia faatupu i te parau tohu a te Bibilia e nafea atoa te Basileia o te Atua e fatata roa ˈi i te haamou roa i te ino e i te faatupu i te hoê paradaiso i nia i te fenua taatoa nei.

Mai te peu e e hinaaro outou i te tahi mau haamaramaramaraa hau atu aore ra i te hoê haapiiraa bibilia tamoni ore i to outou fare, a papai mai i te amaa a te Taiete Watchtower, B.P. 518, Papeete, TAHITI, aore ra i te hoê o te mau vahi nohoraa i faataahia i te api 5.

[Hohoˈa i te api 32]

THE WATCHTOWER

Peace and Security

The Bible’s view