E ere noa na te tamarii

Ua papai mai te hoê vahine no Fort Worth, i Texas e: “E rave rahi matahiti i teie nei te noaaraa mai ia ˈu te buka ra Faaroo i te Orometua Rahi. Ua haamata ˈtura vau i te taio i teie buka i ta ˈu tamaiti hoê ahuru avaˈe to ˈna. I te mau mahana atoa, e taio vau e piti aore ra e toru pene. Ua ite au e mea nainai roâ o ˈna no te taa i te auraa. Teie râ, ua huti mai au i te faufaa no teie taioraa. Ua putapû roa to ˈu mafatu na roto i te hoê ravea taa ê roa e ua faahohonu roa ˈtu â te reira i to ˈu here e to ˈu mauruuru no te Atua ra o Iehova e no ta ˈna Tamaiti, o Iesu Mesia. E 27 matahiti to ˈu. Ua manaˈo noa na hoi au e na te tamarii anaˈe teie buka, i teie nei râ, te tatarahapa nei au i te mea e aita vau i taio i teie buka na mua ˈtu.”

A faaî e a hapono mai i te parau i raro nei, e e faataehia ˈtu ïa teie buka e 192 api, e hohoˈa peni atoa to roto, ia outou ra.

A hapono mai na i te buka e 192 api ra Faaroo i te Orometua Rahi. (E nehenehe outou e papai atu i te hoê o te mau amaa a te Taiete Watch Tower. A hiˈo i te api 5.)