Api 2

“FATATA hoê taata i nia i te pae o te fenua nei, tei rotopu i te 15 e te 24 matahiti”, o ta te Vea a te mau Hau amui (beretane) ïa e faaite ra. Te manaˈohia ra e i te omuaraa o te matahiti 1990, ua naeahia te numera ra hoê miria taurearea. Ua riro mau â te ui apî no teie nei tau ei puai te tia ia haapaohia.

Ua nenei te vea ra Psychology Today i te hoê titorotororaa i ravehia i pihai iho e 6 000 taurearea no roto mai e hoê ahuru fenua. Te itehia ra e noa ˈtu te mau taa-ê-raa rahi i te pae faanavairaa faufaa e i te pae no te ihotumu, “mea maere mau ia ite e hoê â” te mau haerea e te mau faufaa o te feia apî. Ia au i teie mau manaˈo, e nehenehe e faataa i te hoê hohoˈa no nia i te ui apî o teie nei tau, hohoˈa o te faahitimahuta paha ia outou.