Api 2

Ua papai te vea ra Time no nia ia ratou: “E mau pǔpǔ ratou e ori haere nei e e taoto nei i roto i te mau auri rarahi, i roto i te mau piha o te mau fare teitei i faaruehia tei î hoi i te mau iore aore ra e pupuni haere noa ratou te tahi i pihai iho i te tahi i roto i te mau poro purumu. To ratou mǎrû roi, e mau vea tahito ïa e e mau ahu motumotu to ratou. I te mau mahana, te eiâ nei ratou, te taiata nei e te rave nei i te tahi mau ohipa iti iino. Te aro nei ratou ia ratou iho aore ra e aro atu ratou i te feia e haere noa ra.” O vai ratou? E mau tamarii ïa e ora ra i nia i te purumu no te hoê oire pu no Marite latino. Tera râ, e nehenehe atoa e parauhia e o te mau tamarii aita e faaearaa to ratou fatata no te mau oire rarahi atoa o te ao nei. E mau mirioni ratou e te maraa noa ˈtura to ratou numera i te hoê faito riaria mau.