Te mau tamarii e roohia i te ati

Ia au i te faaiteraa a Gerard Lesser, taote i te pae no te feruriraa o te mau tamarii e taata tuiroo atoa hoi, e tia i te mau metua e haapeapea nei no te oraora-maitai-raa o te feruriraa e i te pae atoa no te here o ta ratou mau tamarii, ia iriti mai ia ratou mai raro aˈe mai i te mana ino o te tahi mau hohoˈa teata. Ia au i ta ˈna faaiteraa, eita ta te mau feruriraa apî tei ore i paari maitai, e nehenehe e faataa i te mea mau e te mea tupu ore ta ratou e mataitai i roto i te afata teata. Te faˈi ra te Evening Herald no Dublin no nia i teie parau e: “Te faariro nei teie taote maimi i te hamani-ino-raa e itehia i roto i te mau hohoˈa na te mau tamarii, mai te mau hohoˈa peni faahautihia no nia i te mau aamu tupu ore, e oia atoa te faaheporaa uˈana a te mau ravea no te hoo e itehia i roto i te mau poroi faatianiani, ei mau huru ino roa.” Te haapapu nei o ˈna e mai te peu e e mataitai noa te hoê tamarii i taua mau huru hohoˈa hamani-ino-raa e te taparahiraa taata ra, i te mau mahana atoa, e au ïa e te afaihia ra oia e faaorihaere i roto i te mau aroâ o Belfast aore ra o Beyrouth.