Hamanihia te tahi no te tahi

Teie iore pererau, e amu o ˈna i te pape monamona o te tiare, area te agave no Marite ra, e hinaaro ïa o ˈna i te rea otane, e e imi raua toopiti atoa ra i te mea e mauruuru ai te tahi e te tahi. Mea fifi roa ïa to raua oraraa mai te peu e aita te tahi e te tahi.

E haere teie animala e ora i Arizona e i te Nouveau-Mexique i te mau avae veavea. I taua taime ra, e roa roa ïa te mau amaa apî o te agave a raeahia ˈtu ai e 6 metera e e î roa hoi ratou i te mau pupa tiare rearea. I te pô noa teie mau tiare e hamani ai i te pape monamona, e i reira te iore pererau e haere mai ai e amu; e te toea ra, na te mau manu o te ao ïa e amu. Ia tau anaˈe te iore pererau i nia i te tiare no te amu i te pape monamona, e huti ïa o ˈna i to ˈna arero o te î roa i te toto, i te hoê roaraa fatata hoê tuhaa i nia i te toru o to ˈna tino. Ia reva anaˈe oia, e hopoi atoa oia i te rea o ta ˈna e vaiiho atu i nia i te raau o ta ˈna e tau atu. E hinaaro iho â te iore pererau i te agave no te ora i te tau veavea, e te agave ra, e hinaaro ïa oia i te iore pererau no te faatupu i te faatitoraa i to ˈna rea.

Teie nei râ, te haamou nei te taata, ma te haapao ore, i te iore pererau e te faaino nei oia i to ˈna vahi faaearaa e e ere atoa hoi te reira i te mea maitai no te mau agave oviri. Afea te taata e haapii ai i te ora e i te vaiiho i te tahi pae ia ora atoa?

[Faaiteraa i te fatu o te hohoˈa i te api 31]

Taatiraa o te ao nei Merlin D. Tuttle no te parururaa i te mau iore pererau