Api 2
Te haafaahiahia noa nei te mau taata e ratere nei i te fenua Helemani, i te anavai Rhin, ta outou e ite nei i nia i te hohoˈa i te pae aui, teie râ, mea haavarevare roa to ˈna nehenehe. Ua hau atu oia i te viivii i te tahi atu anavai o te ao nei, na roto i te mau rahiraa fare hamaniraa raau chimiques e vai ra na nia i to ˈna mau hiti, e no reira oia i piihia ˈi, te taheraa pape repo no Europa. Te faaite maitai maira oia i te mau faainoraa i faatupuhia e teie ati pohe oia hoi te viiviiraa. Te faataa maitai maira te rohipehe ra o Samuel Taylor Coleridge i to ˈna huru na roto i teie pehe:
“Te Rhin, mea matau-maitai-hia,
Te tamâ nei oia i te oire no Cologne;
Ahani, a faaite mai na, e te mau potii purotu e,
Na tei hea mana puai e tamâ i te Rhin?”
Te faahiti ra to matou taata papai vea i te Hau repubilita no Helemani tooa o te râ, i te mau tumu o te viiviiraa o te fenua nei e te faataa atoa ra oia i te tahi mau ravea te tia ia ravehia no te arai i teie fifi.