Api 2

Ua tohuhia te hopea o teie nei ao fatata i te mau ui atoa.

Teie anei te auraa, mai te matahiti 1914 ra, to te mau Ite o Iehova pororaa i te hoê poroi e aita to ˈna e niu, i to ratou faaiteraa i te hopea o te amuiraa o teie nei ao e te haamauraahia i te hoê amuiraa apî o te faariro i te fenua nei ei paradaiso? E tatararaa tano ore anei te reira? Mai te peu e ua tano te mau Ite a Iehova, eaha ïa ta te reira e faatupu i nia ia outou?

E mea faufaa mau no tatou paatoa te pahonoraa i teie mau uiraa, i teie nei mahana e te ora ra tatou i roto i te hoê tau taa ê mau o te aamu o te taata nei, te tau o te atomi, e a tahi ra hoi a faaroohia ˈi te parau e: “Peneiaˈe aita e tamarii e aita atoa e mootua faahou.”