Api 2

IA ITE OUTOU i te mau taata e taoto haere noa ra na nia i te mau parahiraa i te vahi taata aore ra na nia i te mau vahi haereraa taata, i roto i te mau afata aore ra i raro aˈe i te tahi mau pehu plastique, eaha ïa te mea e ô mai i roto i to outou feruriraa? Ua faaite rahi mai hoi te mau vea i taua mau huru hohoˈa aroha mau ra, ta te feia o te oire i matau roa. E noa ˈtu â ïa te peapea rahi, ua riro noa te ati e orahia ra e te feia e ora nei na nia i te purumu, i roto i te fifi i te pae no te mau taata aita e faaearaa to ratou e no te ati i te pae no te nohoraa i roto i te ao taatoa nei, ei tuhaa itehia o te fifi rahi. Eaha hoi te rahiraa mau o taua ati ra? Eaha hoi to ˈna faufaaraa?