Api 2

I te mau poipoi atoa, te vaiihohia nei te mau milioni aiû e te mau tamarii rii aita i ara maitai atura i roto i te mau fare haapaoraa tamarii. No te rahiraa o taua mau tamarii rii ra, te haereraa mai na te fare mai i te fare haapaoraa tamarii, mea ohie ïa.

No te mau tamarii i matau maitai, te vai ra o te aroha mai — aore ra te vai ra eita e tâuˈa mai. Area te mau tamarii a tahi ra a haere atu ai i reira, te taˈi rii ra ïa ma te tarere i nia i to ratou metua vahine, i te rahira o te taime, e ravai noa te tahi mau parau rii tamǎrû no te faanâ ia ˈna. Mai te peu aita ra, na te hoê ïa mama haapao tamarii e faanâ ia ratou, noa ˈtu te taˈi aore ra aita e tia iho â i te metua vahine ia haere i te ohipa. E, i roto i te ahuru hora i muri mai, na te fare haapaoraa tamarii ïa e mono ia ˈna...