Api 2

Ua farerei aˈena te mau milioni metua i te ereraa i te hoê tamarii. Noa ˈtu eaha te tumu — te maˈi, te oˈe, te tamaˈi, te haapoheraa ia ˈna iho, te hoê ati, te pohe-taue-raa te aiû iti, te toparaa te aiû, te fanauraa i te hoê aiû pohe — mea mauiui mau â te reira.

Noa ˈtu eaha te matahiti o te tamarii; hoê â te mauiui. Nafea ia faaruru atu i te hoê mauiui mai teie? Nafea ia tamau i te ora? Te hohoˈa i nia i teie nei api, e faaite ra i te mau metua e farii poupou ra i ta ratou tamarii i faatia-faahou-hia, o te hoê noa anei moemoeâ? Aore ra fatata roa anei teie ohipa i te tupu mai?

E pahono te mau tumu parau i mua nei i teie mau uiraa. Ua horoa mai te tahi mau metua tei faaruru atu i te ereraa i te hoê tamarii, i to ratou manaˈo. Mea papu ia matou e e noaa mai ia outou te tiaturiraa e te tamahanahanaraa i reira.