B1
Te poroi o te Bibilia
E mana to te Atua ra o Iehova no te faatere. Ta ˈna te huru faatereraa maitai roa ˈˈe. E tupu iho â ta ˈna i opua no te fenua e no te huitaata.
Muri aˈe 4026 H.T.I. Ua faahapa “te ophi” i to Iehova mana faatere e i ta ˈna huru faatereraa. Ua fafau Iehova e e tia mai te hoê “huaai” o te haaperehu i te ophi, ia Satani. (Genese 3:1-5, 15, nota) Tera râ, ua vaiiho Iehova i te taata i te taime ia faatere ia ratou iho i raro aˈe i te mana o te ophi. |
1943 H.T.I. Ua haapapu Iehova ia Aberahama e no roto mai ia ˈna taua “huaai” fafauhia ra.—Genese 22:18. |
Muri aˈe 1070 H.T.I. Ua haapapu Iehova i te arii Davida, e i muri aˈe i ta ˈna tamaiti ia Solomona, no roto mai ia raua taua “huaai” fafauhia ra.—Samuela 2, 7:12, 16; Te mau arii 1, 9:3-5; Isaia 9:6, 7. |
29 M.T.I. Ua haapapu Iehova o Iesu te “huaai” fafauhia te parahi i nia te terono o Davida.—Galatia 3:16; Luka 1:31-33; 3:21, 22. |
33 M.T.I. Ua haapepe te ophi ra o Satani i te “huaai” fafauhia no te hoê taime poto ma te haapohe ia Iesu. Ua faatia mai Iehova ia Iesu i te ora i te raˈi e ua farii oia i te ora tia roa o Iesu, a nehenehe atu ai oia e faaore i te mau hara e ia fanaˈo atoa te huaai o Adamu i te ora mure ore.—Genese 3:15; Ohipa 2:32-36; Korinetia 1, 15:21, 22. |
Area 1914 M.T.I. Ua huri Iesu i te ophi ra o Satani i te fenua nei, a tapea ˈi ia ˈna i reira no te hoê taime poto.—Apokalupo 12:7-9, 12. |
A muri aˈe E tapea Iesu ia Satani e 1 000 matahiti e e haaperehu oia i to ˈna upoo, ei auraa taipe, ma te haamou ia ˈna. E tupu te opuaraa tumu a Iehova no te fenua e no te huitaata, e faaorehia te faainoraa i nia i to ˈna iˈoa e e haapapuhia e ta ˈna te huru faatereraa maitai roa ˈˈe.—Apokalupo 20:1-3, 10; 21:3, 4. |