Luka

TA TE MESIA HAAPIIRAA I NIA I TE BOTI A PETERO RA.

5 E te tia noa ra oia i te hoê mahana i te hiti roto i Genesareta ra, ua nenei noa maira te taata atoa e rave rahi ia ˈna ra, e faaroo i te parau a te Atua, 2 hiˈo atura oia i e piti pue pahi i te tipae-noa-raa i te hiti roto, area te feia ravaai, tei uta ïa te uhi ra i ta ratou upeˈa. 3 Haere atura oia i nia iho i te hoê i taua na pahi ra, i ta Simona ra, ua parau atura ia ˈna e tute i tai iti aˈe. Parahi ihora oia i raro, e ua haapii maira i nia i te pahi i taua feia rahi ra. 4 E oti aˈera ta ˈna parauraa, ua parau atura oia ia Simona, Ho atu i te vahi moana, e tuu i ta outou upeˈa i te hoê haroa. 5 Ua parau maira Simona ia ˈna, na ô maira, E te Fatu, i haa noa na matou e ao noa aˈenei te rui, e aore roa i noaa, e tuu râ vau i te upeˈa o oe i parau mai na. 6 E ia tuu ihora ratou, ua ati aˈera ia ratou te iˈa e rave rahi, motumotu ihora ta ratou upeˈa. 7 Ua tapare atura ratou i to ratou i nia i te hoê pahi ra, ia haere atoa mai ratou e rave. Ua haere maira hoi ratou, ua faaî ihora i na pahi e piti atoa, e ua fatata roa i te tomo. 8 E ia hiˈo ihora Simona Petero i te reira, tipapa ihora oia i raro i te pae turi o Iesu, i te na ôraa ˈtu e, E haere ê oe, e te Fatu, e taata hara hoi au. 9 Roohia ihora oia e ratou atoa i te maere rahi mǎtaˈu, i taua haroa iˈa i noaa ia ratou ra: 10 o Iakobo atoa hoi e o Ioane, na tamarii a Zebedaio ra, ua amui atoa raua ia Simona. Ua parau maira Iesu ia Simona, Eiaha e mǎtaˈu, i teie nei, e taata ta oe e noaa. 11 E tae maira to ratou pue pahi i tahatai, faarue anaˈe ihora ratou e ua pee maira ia ˈna.

12 E inaha tei te hoê oire oia, ua hiˈo maira te hoê taata ia Iesu, ua ati i te lepera, tipapa ihora oia i raro, faateni mai ia ˈna ra, na ô maira, E te Fatu, ia tia ia oe ra, e mâ vau ia oe. 13 Ua faatoro atura Iesu i ta ˈna rima, faatiaia ˈtura ia ˈna, na ô atura, Ua tia ia ˈu, ia mâ oe. Pee ê atura to ˈna lepera i reira ra. 14 Ua parau atura oia ia ˈna, eiaha roa e faˈi i te taata, e haere râ e faaite ia oe iho i te tahuˈa ra, e e hopoi atu no te tamâraa ia oe i tei haapaohia e Mose, ei faaite atu i te taata. 15 Parare roa ˈtura râ te roo o Iesu, e e feia rahi tei rǔrǔ atoa mai e faaroo ia ˈna, e ia faaorahia ratou e ana i to ratou mau maˈi. 16 Haapai atura oia i te vahi moemoe e pure.

17 E tae aˈera i te hoê mahana te haapii ra oia, te parahi maira te mau Pharisea e te haapii ture i pihai iho, mai Ierusalema mai, e mai te mau oire atoa i Galilea e Iudea, e faaitehia ihora te mana o te Fatu i te faaoraraa ia ratou. 18 E inaha, te hopoi maira te taata i te hoê hapepa i nia iho i te roi, hinaaro ratou i te hopoi mai ia ˈna i roto e tuu i mua ia Iesu; 19 e ite aˈera ratou e, aita i tia ia hopoi ia ˈna i roto, i te ati o te taata, paiuma aˈera ratou i nia iho i te fare, ua tuu ihora ia ˈna i raro na roto i te tapoˈi fare ma te roi iti atoa i ropu i mua ia Iesu. 20 E ite atura oia i to ratou faaroo, ua parau atura oia ia ˈna, E teie nei taata, ua faaorehia ta oe hara. 21 Ua feruri noa ihora te mau papai parau e te mau Pharisea, na ô aˈera, O vai teie e faainaina Atua? E tia ia vai ia faaore i te hara maori râ i te Atua anaˈe ra? 22 Te ite ra Iesu i to ratou manaˈo, e ua parau atura ia ratou, na ô atura, Eaha ta outou i feruri noa i roto i to outou aau na? 23 Teihea te mea rave ohie, o te parau anei, Ua faaorehia ta oe hara, e o te parau anei, A tia, a haere? 24 Ia ite râ outou e, e mana to te Tamaiti a te taata i te ao nei ia faaore i te hara, (parau atura oia i taua hapepa ra,) te parau atu nei au ia oe, A tia, a rave i to roi, a hoˈi i to utuafare. 25 Ua tia aˈera oia i reira i mua i to ratou mata, rave ihora i to ˈna roi, hoˈi atura i to utuafare ma te haamaitai i te Atua. 26 Roohia anaˈe ihora ratou i te maere rahi e te mǎtaˈu, e ua haamaitai atura i te Atua, na ô aˈera, E mea huru ê rahi ta tatou i ite iho i teie nei mahana.

27 E muri aˈera haere atura oia i rapae, e ite atura i te hoê telona, o Levi te iˈoa, i te parahiraa i te fare telo, e ua parau atura ia ˈna, A pee mai ia ˈu. 28 Tia aˈera oia i nia, vaiiho atura i te mau mea atoa, pee maira ia ˈna. 29 Ua faanahonaho ihora Levi i te hoê amuraa maa rahi na ˈna i to ˈna iho utuafare, e e rave rahi te telona e te taata ěê e ratou atoa i taua amuraa maa ra. 30 Ua ohumu ihora râ te mau papai parau e te mau Pharisea, e ua na ô atura i ta ˈna mau pǐpǐ, Eaha outou i amui atoa ˈi e te mau telona e te feia hara i te amuraa maa na? 31 Ua parau maira Iesu ia ratou, na ô maira, E ore te tahuˈa e au i te feia ora, i te feia maˈi râ. 32 Aore au i haere mai e parau i te feia parau-tia, i te feia hara râ ia tatarahapa.

33 Ua ui atura e toofanu ia ˈna, Eaha te mea i haapae pinepine ai te mau pǐpǐ a Ioane e ta te mau Pharisea, i te maa, e e pure hoi, area ta oe, te amu noa nei ïa, e te inu nei? 34 Ua parau maira oia ia ratou, E tia anei te mau hoa o te tane apî ra ia haapae i te maa te parahi atoa ra ratou e te tane apî ra? 35 Te vai atura râ te tau e hopoi-ê-hia ˈi taua tane apî ra, ei reira ratou e haapae ai i te maa.

36 Ua parau maira oia ia ratou i teie nei parabole, Aore e taata e tifai i te ahu tahito i te ahu apî; i na reira, e motu te mea tahito i te mea apî; e ore roa hoi te mea apî e au i te mea tahito. 37 Aore hoi e taata e tuu i te uaina apî i roto i te farii tahito, i na reira, e amaha te farii i te uaina apî, e manii te uaina e ino atura te farii. 38 Ia tuuhia râ te uaina apî i roto i te farii apî ra, e ora apipiti ïa. 39 E ore hoi te taata i inu i te uaina tahito e hiaai vave i te uaina apî; e parau hoi oia e, O te mea tahito te mea maitai.