Hosea

TE FAAITE NEI TE ATUA I TE ATI RAHI O ISERAELA IA PAU RA.

3 Ua parau maira Iehova ia ˈu, E haere â, a aroha ˈtu i te tahi vahine hinaarohia e to ˈna ra taua e te faaturi, mai te aroha o Iehova i te mau tamarii a Iseraela, o tei hiˈo i te mau atua ěê ra, e tei hiaai i te auˈa uaina ra. 2 Ua hoo atura vau ia ˈna na ˈu, i na sekela ario hoê ahuru ma pae ra, e te hoê homera kerite e te vaehaa homera kerite: 3 e ua parau atura vau ia ˈna, Ei ǒ nei oe ia ˈu nei e ia rahi noa ˈtu te mahana; eiaha oe e taiata, e eiaha ta oe ei tane ê; e ore atoa hoi au e rave ia vetahi ê ei mono ia oe ra: 4 e parahi hoi te mau tamarii a Iseraela e rave rahi te mahana ma te arii ore, e ma te tavana ore, e ma te tusia ore, e ma te tii ore, e ma te tiputa ore, ma te teraphi ore: 5 e muri aˈera, e hoˈi mai te tamarii a Iseraela, a imi ai i to ratou Atua ia Iehova, e faaroo hoi i to ratou arii ia Davida; e roohia hoi ratou i te mǎtaˈu ia Iehova, e te maitai hoi no ˈna, i te mau mahana hopea ra.