Salamo

I AˈOHIA TE MAU ETENE IA RIRO EI TAATA NO IESU MESIA.

Na te Menasehe. E Salamo na te tamarii a Kora.

47 E patupatu na i to outou rima, e te mau taata e: pii hua i te Atua i te reo umere ra. 2 O Tei Teitei ra, o Iehova, te mǎtaˈuhia ïa, o te arii rahi ïa i nia i te fenua atoa nei.

3 Na ˈna i tuu i te mau taata i raro aˈe ia matou, e te mau fenua taatoa i raro aˈe i to matou avae. 4 Na ˈna i haapao i ta matou tufaa, te kelero maitai a Iakoba ta ˈna i hinaaro ra. Sela.

5 Te aˈe nei te Atua ma te umere; o Iehova, ma te haruru o te pu ra! 6 E himene ei arue i te Atua, e himene ei arue; e himene ei arue i to tatou arii, e himene ei arue; 7 o te Atua hoi te arii i te mau fenua atoa nei: o te Atua ta outou e himene ma te ite ra. 8 Tei te Atua te hau i te mau fenua atoa nei; te parahi ra te Atua i nia i to ˈna ra terono moˈa. 9 Tei reira te mau tavana o te mau taata i te amuiraa, te mau taata no te Atua o Aberahama: no te Atua hoi, o tei faateitei-roa-hia ra, te paruru o te fenua nei.