Nehemia

TE MAU TAHUˈA E TE MAU ATI LEVI I PEE MAI IA ZERUBABELA RA.

12 Teie hoi te feia tahuˈa e te mau ati Levi i haere atoa mai ratou o Zerubabela a Sealatiela, e o Iesua: o Seraia, e o Ieremia, e o Ezera. 2 E o Amaria, e o Maluka, e o Hatusa, 3 e o Sekania, e o Rehuma, e o Meremota, 4 e o Ido, e o Gineto, e o Abia, 5 e o Miamina, e o Maadia, e o Bilega, 6 e o Semaia, e o Ioiariba, e o Iedaia, 7 e o Salu, e o Amoka, e o Hilikia, e o Iedaia. O na tahuˈa rahi eie, o to ratou ïa mau taeae i te anotau ia Iesua ra. 8 E te mau ati Levi: o Iesua, e o Binui, e o Kadamiela, e o Serebia, e o Iuda, e o Matania, oia e to ˈna ra mau taeae, o te aratai ïa i te haamaitai i roto i te hiero ra. 9 E o Bakabukia, e o Uni, e to raua pue taeae, o tei nia iho ia ratou i te mau pǔpǔ tiai.

10 Fanau aˈera ta Iesua o Ioiakima, fanau aˈera ta Ioiakima o Eliasiba, fanau aˈera ta Eliasiba o Ioiada, 11 fanau aˈera ta Ioiada o Ionatana, fanau aˈera ta Ionatana o Iadua. 12 I te anotau ia Ioiakima te feia matahiapo tahuˈa rahi ra; ta Seraia ra, o Meraia ïa; ta Ieremia ra, o Hanania ïa; 13 ta Ezera ra, o Mesulama ïa; ta Amaria ra, o Iehohanana ïa; 14 ta Meliku ra, o Ionatana ïa; ta Sebania ra, o Iosepha ïa; 15 ta Harima ra, o Adana ïa; ta Meraiota ra, o Helekai ïa; 16 ta Ido ra, o Zekaria ïa; ta Ginetona ra, o Mesulama ïa; 17 ta Abia ra, o Zikeri ïa; ta Miniamina ra, ta Moadia ra, o Piletai ïa; 18 ta Bilega ra, o Samua ïa; ta Semaia ra, o Iehonatana ïa; 19 ta Ioiariba ra, o Matenai ïa; ta Iedaia ra, o Uzi ïa; 20 ta Salai ra, o Kalai ïa; ta Amoka ra, o Ebera ïa; 21 ta Hilikia ra, o Hasabia ïa; ta Iedaia ra, o Netaneela ïa.

22 Te mau ati Levi i papaihia i te anotau ia Eliasiba, e ia Ioiada, e ia Iohanana; e ia Iadua, e feia rahi metua ratou; e te feia tahuˈa, e tae roa aˈera i te hau a Dariu i Peresia ra. 23 Te mau tamarii a Levi ra, te feia rahi matahiapo ra, ua papaihia ïa i roto i te parau o te mau mahana ra, e tae roa aˈera i te anotau ia Iohanana a Eliasiba ra. 24 E te feia rarahi ati Levi ra: o Hasabia ïa, o Serebia ïa, e o Iesua a Kadamiela, e to ratou mau taeae i mua ˈˈe ia ratou, tei haapaohia ïa ei arue, e ei haamaitai, i te parau hoi a te taata o te Atua ra a Davida, i tera pǔpǔ i tera pǔpǔ. 25 O Matania ïa, e o Bakabukia, e o Obadia, e o Mesulama, e o Talamona, e o Akuba, o tei tiai i te pǔpǔ i te tomo i te mau uputa ra. 26 E ora na teie nei mau taata i te anotau ia Ioiakima a Iesua, a Iozadaka, e te anotau hoi o te tavana ra o Nehemia, e ia Ezera tahuˈa papai parau ra.

27 E tae aˈera i te pûpûraahia te aua o Ierusalema, ua imi ratou e ua aratai mai i te mau ati Levi mai te mau vahi atoa i parahihia e ratou ra, i Ierusalema, ia haapao ratou i taua pûpûraa ra ma te oaoa; ma te haamaitai, ma te himene, ma te sumebalo, e te nabala, e te kinura. 28 E te feia ite i te himene ra, ua haaputuputu mai i Ierusalema mai te fenua atea e ati noa ˈˈe, e mai te mau oire rii i Netopha; 29 e mai taua vahi ra mai Gilagala, e mai te mau ô i Geba ra e Azamaveta: ua patu anaˈe hoi taua feia himene ra i te oire rii no ratou e ati noa ˈˈe Ierusalema. 30 Ua tamâ ihora te feia tahuˈa e te mau ati Levi ia ratou iho; e ua tamâ ihora hoi i te mau taata, e te mau uputa, e te patu atoa. 31 Ua aratai atura vau i te hui raatira o Iuda i nia i taua patu ra, e ua faataa ˈtura vau i e piti pǔpǔ rarahi ei haamaitai, ua haere ihora te hoê pǔpǔ na nia i te patu na te pae atau, na te vahi i haerehia ˈtu i te uputa repo ra. 32 E muri aˈe ia ratou ra, o Hosaia, e te tahi pae pue raatira no Iuda, 33 e o Azaria, e o Ezera, e o Mesulama, 34 e o Iuda, e o Beniamina, e o Semaia, e o Ieremia: 35 e te tahi pae tamarii tamaroa a te feia tahuˈa ra ma te pu atoa; oia o Zekaria a Ionatana, a Semaia, a Matania, i Mikaia, a Zakura, a Asapha: 36 e tana mau taeae, o Semaia, e o Azaraela, e o Milalai, e o Gilalai, e o Maai, e o Netaneela, e o Iuda, e o Hanani, ma te mau mauhaa faaotohia a te taata o te Atua ra a Davida, e o Ezera, papai parau, tei na mua ia ratou. 37 E tae aˈera i te uputa pape pihaa, tei mua ˈtu ïa ia ratou, ua haere ihora ratou ra na te eˈatia i te oire o Davida, na nia i te patu, i nia ˈtu i te fare o Davida, e tae noa aˈera i te uputa pape i te pae i te hitia o te râ ra. 38 Ua haere ihora te tahi pǔpǔ e faito aˈera ia ratou ei haamaitai, e o vau i muri aˈe, e te tahi pae o te mau taata i nia i te patu ra mai te pare umu i ǒ maira, e tae noa aˈera i te patu aano ra; 39 e mai nia mai i te uputa i Epheraima ra, e mai nia mai i te uputa tahito, e mai nia mai i te uputa iˈa ra; e te pare i ǒ Hananeela, e te pare o Mea ra, e tae noa ˈtura i te uputa mamoe ra: e tae aˈera ratou i te uputa i te tapearaa ra, tia noa ihora ratou. 40 Ua tia noa ihora taua na pǔpǔ e piti ra ei haamaitai, i roto i te fare o te Atua, e o vau e te tahi pae o te feia tavana i pihaiiho ia ˈu ra: 41 e te feia tahuˈa ra, o Eliakima, e o Maaseia, e o Miniamina, e o Mikaia, e o Elioenai, e o Zekaria, e o Hanania, ma te pu anaˈe; 42 e o Maaseia, e o Semaia, e o Eleazara, e o Uzi, e o Iehohanana, e o Malekia, e o Elama, e o Ezera. E ua himene pii hua ˈtura taua feia himene ra, e o Iezerahia to ratou haamata. 43 E tusia rahi hoi tei hopoihia e ratou i taua mahana ra, e ua oaoa; na te Atua hoi ratou i faaoaoa mai e rahi noa ˈtura; e ua oaoa atoa te mau vahine e te mau tamarii: e tei te atea ê ra te oaoa o Ierusalema i te faarooraahia mai.

44 Ua haapaohia te tahi pae i reira no nia i te mau piha vairaa taoˈa ra, no te mau mea i hopoihia ra, no te oho matamua, e no te ahuru, ei haaputu i roto i taua mau piha ra, i to roto i te mau ô i te mau oire, i te tufaa i haapaohia e te ture na te feia tahuˈa, e te mau ati Levi: oaoa aˈera hoi Iuda i te mea te tiai maira te mau tahuˈa e te mau ati Levi i te hiero ra. 45 E ua haapao atura ratou i te mea e au no te haamoriraa i to ratou Atua, e to te tamâraa; e ua na reira atoa te feia himene e te mau tiai uputa ra, tei parauhia mai e Davida, e ta ˈna tamaiti e Solomona. 46 Tei te anotau hoi ia Davida e ia Asapha tahito ra i haapaohia ˈi te feia himene faaitoito, ei himene i te himene haamaitai i te Atua. 47 E ua hopoi to Iseraela atoa i te tufaa i te mau mahana atoa ra na te feia himene e te mau tiai uputa, i te anotau ia Zerubabela, e te anotau ia Nehemia; e te mau mea moˈa ra ua hopoi ïa na te ati Levi; e ua hopoi te ati Levi i taua mau mea moˈa ra i te mau tamarii a Aarona ra.