Paraleipomeno 1
TE FEIA I PARAHI I TE FENUA I MURI AˈE I TE PAURAA RA.
9 Taiohia hoi Iseraela i to ratou ra fanauraa; e ua itea ihora teie i roto i te buka a te mau arii o Iseraela e o Iuda, a hopoihia ˈi te mau taata i Babulonia i ta ratou ra hara. 2 Te feia i parahi na i to ratou ra fenua, i to ratou ra mau oire, ati Iseraela, te mau tahuˈa, ati Levi, e te Netinimi, o teie ïa. 3 Te tamarii a Iuda i parahi i Ierusalema, e te mau tamarii a Beniamina, e te mau tamarii a Epheraima, e to Manase, 4 o Utai ïa te tamaiti a Amihuda, te tamaiti a Omeri, te tamaiti a Imiri, te tamaiti a Bani, no te mau tamarii a Phareza, te tamaiti a Iuda. 5 E to Silo ra; o Asaia te matahiapo, e ta ˈna ra mau tamarii. 6 E to te mau tamarii a Zera ra; o Ieuela, o ratou e to ratou mua taeae, e ono ïa hanere, e iva tiahapa. 7 To te mau tamarii a Beniamina; o Salu, te tamaiti a Mesulama, te tamaiti a Hodavia, te tamaiti a Hasenua; 8 e o Ibeneia, te tamaiti a Ierohama, e o Ela, te tamaiti a Uzi, te tamaiti a Mikeri; e o Mesulama, te tamaiti a Sephatia, te tamaiti a Reuela, te tamaiti a Ibenia. 9 Teie nei feia e to ratou mau taeae, i to ratou fanauraa, e iva ïa hanere, e pae ahuru, o ono tiahapa. E feia matahiapo anaˈe ïa i te utuafare o to ratou mau metua ra.
10 To te feia tahuˈa ra, o Iedaia, e o Iehoiariba, e o Iakina, 11 e o Azaria, a Hilikia, a Mesulama, a Zadoka, a Meraiota, a Ahituba, e taata faaipoipo i te fare o te Atua; 12 e o Adaia a Ierohama, a Pasura, a Malekia; e o Maasiai a Adiela, a Iahezera, a Mesulama, a Mesilemota, a Imera: 13 e to ratou mau taeae, e feia matahiapo anaˈe ïa i te utuafare o to ratou ra mau metua, hoê ia tausani, e hitu hanere, e ono ahuru; e feia itoito ïa i te raveraa i te toroa i roto i te fare o te Atua ra.
14 E to te mau ati Levi ra, no te mau tamarii a Merari ra, o Semaia ïa a Hasuba, a Azarikama, a Hasabia; 15 e a Bakabakara, Heresa, e Galala, e Matania a Mika, a Zikeri, a Asapha; 16 e o Obadia a Semaia, a Galala, a Iedutuna; e o Berekia a Asa, a Elikana, tei parahi i te mau oire rii i Netopha. 17 E te feia tiai uputa o te hiero, o Saluma ïa, e o Akuba, e o Talemona, e o Ahimana, to ratou mau taeae: o Saluma ra te taata rahi; 18 tei te uputa a te arii ra, i te pae i te hitia o te râ ra, na tiai uputa te reira, i tei haapao-mau-hia i te tamarii a Levi ra. 19 O Saluma a Kore, a Ebiasapha, a Kora, e to ˈna ra mau taeae, no te utuafare o tana metua, te ati Kora, e feia toroa ïa i nia i te ohipa, e tiai uputa no te hiero, mai to ratou mau metua i tiai i te tomoraa o te sekene, i te patiaraa tiahapa a Iehova ra; 20 a mana ˈi Phinehasa a Eleazara i mutaaiho, i nia ia ratou tei ǒ Iehova ia ˈna ra; 21 e o Zekaria a Meselemia te tiai i te uputa i te tiahapa amuiraa ra. 22 Taua feia i haapaohia ei tiai uputa ra, e piti ïa hanere, hoê ahuru, e ma piti. I haapaohia ratou i to ratou fanauraa i to ratou mau oire rii, mai ta Davida, e te hiˈo ra o Samuela i haapao i to ratou mau metua, i to ratou ra toroa. 23 Tei ia ratou atura, e tei ta ratou mau tamarii te tiai i te mau uputa i te fare o Iehova, i te sekene, ma te haapao i te tiairaa. 24 I faanohohia te feia tiai i na hiti e maha o te hiero ra; tei te pae i te hitia o te râ, e te tooa o te râ, tei te pae i apatoerau, e i apatoa. 25 E to ratou mau taeae i parahi i to ratou mau oire rii, o te mono mai ïa ia ratou, tatai-rui-hitu a mono mai ai. 26 Toomaha hoi ati Levi ra, na tiai uputa rarahi ra, tei haapaohia ïa ei nia i te mau piha, e te vairaa taoˈa o te fare o te Atua ra. 27 I haaati ai ratou i taua fare o te Atua ra i te parahiraa, no te mea tei ia ratou te tiai; e te iriti hoi i te uputa, i te mau poipoi atoa, tei ia ratou atoa ïa. 28 E tei te hoê pae o ratou te mau farii rave toroa ra, e taiohia ia hopoi mai i roto e i rapae. 29 Ua haapaohia hoi te tahi pae ei tiai i taua mau farii ra, e te mau peu atoa o te vahi moˈa ra, e te faraoa huˈa, e te uaina, e te monoˈi, e te tapau libano, e te mau mea noˈanoˈa. 30 Na te mau tamarii a te feia tahuˈa i putu i te monoˈi hauˈa ra. 31 E na Matitia ati Levi, e matahiapo na Saluma, e ati Kora, tei ia ˈna te faaitoito i te mau mea i tunu panihia ra. 32 E te tahi pae taeae o ratou, e ati Kohata, tei ia ratou te rave i te pane o te aro, e te faananai-maite-raa i te mau sabati atoa ra. 33 Te feia himene, e matahiapo ati Levi anaˈe, e tia i roto i te mau piha i te parahiraa, aore e ohipa ê atu; no te mea e tia ratou i te raveraa i taua ohipa ra i te rui e te ao. 34 O na matahiapo ati Levi eie, e feia mana i to ratou ra fanauraa, e tia hoi i Ierusalema.
35 I Gibeona to te metua tane o Gibeona ra, o Iehiela, i te parahiraa, o Maaka te iˈoa o te vahine na ˈna. 36 E te tamaiti matahiapo na ˈna ra, o Abadona ïa, ahe i muri iho, o Zura ïa, ahe i muri iho, o Kisa ïa, ahe i muri iho, o Baala ïa, ahe i muri iho, o Nere ïa, ahe i muri iho, o Nabada ïa. 37 E o Gedora, e o Ahio, e o Zekaria, e o Mikilota. 38 Fanau aˈera ta Mikilota o Simeama, i Ierusalema ratou atoa i te parahiraa e to ratou mau taeae atoa ra, i pihaiiho i to ratou mau taeae. 39 Fanau aˈera ta Nere o Kisa; fanau aˈera ta Kisa o Saula; fanau aˈera ta Saula o Ionatana, e o Maleki-sua, e o Abinadaba, e o Ese-baala. 40 O ta Ionatana tamaiti, o Meri-baala ïa: fanau aˈera ta Meri-baala, o Mika ïa. 41 O ta Mika ïa tau tamarii, o Pitona ïa, e o Meleka, e o Taherea, e o Ahaza. 42 Fanau aˈera ta Ahaza o Iara; fanau aˈera ta Iara o Alemeta, e o Azamaveta, e o Zimeri; fanau aˈera ta Zimeri o Moza; 43 fanau aˈera ta Moza o Binea, e o ta ˈna tamaiti, o Rephaia ia, e ta ˈna tamaiti, o Eleasa ïa, e ta ˈna tamaiti, o Azela ïa. 44 Tooono a Azela tamarii, teie to ratou mau iˈoa, o Azerikama, o Bokeru, o Isemaela, o Searia, o Obadia, e o Hanana, o na tamarii ïa a Azela.