Genese

TA ESAU MAU VAHINE TOOTORU, E TO ˈNA HAERERAA ˈTU I TE MOUˈA RA O SEIRA.

36 Teie te huaai o Esau, oia hoi o Edoma. 2 No te mau vahine Kanaana ta Esau pue vahine i te noaaraa, o Ada a Eilona ati Heta ra, e o Aholibama a Ana a Zibeona ati Hevi ra, 3 e o Basemata a Isemaela, e tuahine hoi no Nebaiota. 4 Fanau aˈera ta Ada ia Esau, o Eliphaza ïa; e fanau aˈera hoi ta Basemata, o Reuela; 5 e fanau aˈera ta Aholibama, o Ieusa, e o Iaalama, e o Kora. O na tamarii ïa a Esau, ta ˈna i fanau i te fenua ra o Kanaana. 6 Ua rave aˈera Esau i na vahine na ˈna, e na tamarii tamaroa, e na tamarii tamahine, e te mau taata atoa o to ˈna ra utuafare, e ta ˈna atoa ra, te mau puaa atoa e te mau taoˈa atoa na ˈna ra, i tei noaa ia ˈna i te fenua ra o Kanaana; haere atura i te hoê fenua ˈtu, mai te aro atu o tana taeae ra o Iakoba. 7 Aita aˈera hoi i tia ia raua ia parahi i te vahi hoê i te rahi o ta raua ra taoˈa; aore raua i ô i te fenua ta raua i parahi taata ê ra i te rahi o ta raua mau nǎnǎ puaa. 8 Parahi atura Esau i te mouˈa ra o Seira. O Esau ra, o Edoma ïa.

9 Teie hoi te huaai o Esau, o te metua o te ati Edoma, i te mouˈa ra o Seira; 10 teie te iˈoa o te mau tamarii tamaroa a Esau ra; o ta te vahine a Esau ra ta Ada, o Eliphaza ïa; e ta te vahine a Esau ra ta Basemata, o Reuela ïa: 11 O ta Eliphaza ra tamarii tamaroa, o Temana ïa, e o Omara, e o Zepho, e o Gatama, e o Kenaza: 12 E ta te tamaiti a Esau ra vahine tavini ta Eliphaza, o Timena ïa; e fanau maira ta ˈna ia Eliphaza, o Amaleka. O na mootua ïa a te vahine a Esau ra a Ada. 13 Teie hoi na tamarii a Reuela; o Nahata ïa, e o Zera, e o Sama, e o Miza. O na mootua ïa a te vahine a Esau ra a Basemata.

14 Teie na tamarii tamaroa a Esau i fanau, i ta ˈna vahine ra ia Aholibama a Ana, a Zibeona ra, o Ieusa ïa, e o Iaalama, e o Kora.

15 Teie te mau tavana i fanau i te tamarii a Esau ra; ta te matahiapo a Esau ra tamarii ta Eliphaza, o te tavana ra ïa o Temana, e te tavana ra o Omara, e te tavana ra o Zepho, e te tavana ra o Kenaza, 16 e te tavana ra o Kora, e te tavana ra o Gatama, e te tavana ra o Amaleka. O na tavana ïa a Eliphaza i fanau i te fenua ra o Edoma; o na mootua hoi eie o Ada.

17 Teie hoi na tamarii a Reuela a Esau ra, o te tavana ra o Nahata, e te tavana ra o Zera, e te tavana ra o Sama, e te tavana ra o Miza. O na tavana ïa a Reuela i fanau i te fenua ra o Edoma; na te vahine a Esau ra na Basemata eie pue tamarii.

18 Teie hoi na tamarii a te vahine a Esau ra a Aholibama, o te tavana ra o Ieusa, e te tavana ra o Iaalama, e te tavana ra o Kora. O na tavana ïa a te vahine a Esau ra a Aholibama a Ana i fanau. 19 O na tamarii eie a Esau ra (oia hoi o Edoma), e o na tavana eie no ratou.

20 Teie na tamarii a te ati Hori ra o Seira, e te parahi i te fenua i mutaa ihora, o Lotana, e o Sobala, e o Zibeona, e o Ana, 21 e o Disona, e o Ezera, e o Disana. O na tavana ati Hori ïa, e tamarii na Seira i te fenua ra o Edoma. 22 E ta Lotana pue tamarii ra, o Hori ïa, e o Hemama; e o to Lotana tuahine, o Timena ïa. 23 Teie hoi na tamarii a Sobala; o Alavana ïa, e o Manahata, e o Ebala, e o Sepho, e o Onama. 24 Teie hoi na tamarii a Zibeona; o Aia, e o Ana. O taua Ana ra teie i itea ia ˈna te pape i te medebara ra, a tiai ai oia i te mau asini a tana metua ra a Zibeona. 25 Teie hoi na tamarii a Ana; o Disona, e o Aholibama e tamahine na Ana. 26 Teie hoi na tamarii a Disona; o Hemedana, e o Esebana, e o Iterana, e o Kerana. 27 Teie na tamarii a Ezera; o Bilihana, e o Zaavana, e o Akana. 28 Teie hoi na tamarii a Disana; o Uza, e o Arana. 29 Teie na tavana ati Hori ra; o te tavana ra o Lotana, e te tavana ra o Sobala, e te tavana ra o Zibeona, e te tavana ra o Ana, 30 e te tavana ra o Disona, e te tavana ra o Ezera, e te tavana ra o Disana. O na tavana ati Hori teie no te mau tavana atoa i te fenua ra o Seira.

31 Teie hoi te mau arii i noaa te hau i te fenua ra i Edoma, aore â e arii i noaa te hau i nia i te tamarii a Iseraela. 32 Tei ia Bela a Beora te hau i Edoma: e te iˈoa o to ˈna oire o Dinehaba ïa. 33 Pohe ihora Bela, riro aˈera te hau ia Iobaba a Zera i Bozara ra. 34 Pohe ihora Iobaba, riro aˈera te hau ia Husama i Temani ra. 35 Pohe ihora Husama, riro aˈera te hau ia Hadada a Bedada, i tei tairi ia Midiana i te fenua ra i Moabi, e te iˈoa o to ˈna ra oire, o Avite ïa. 36 Pohe ihora Hadada, riro aˈera te hau ia Samala a Masereka ra. 37 Pohe ihora Samala, riro aˈera te hau ia Saula i Rehobota i te pae pape ra. 38 Pohe ihora Saula, riro aˈera te hau ia Baala-hanana o Akabora ra. 39 Pohe ihora Baala-hanana o Akabora, riro aˈera te hau ia Hadara: e te iˈoa o to ˈna ra oire o Pau ïa; e te iˈoa o ta ˈna vahine ra, o Mehetabela, a Matereda a Mezeheba ïa. 40 Teie te iˈoa o te mau tavana a Esau i fanau, i to ratou ra, mau fetii, i to ratou ra mau vahi, i to ratou mau iˈoa: o te tavana ra o Timena, e te tavana ra o Alava, e te tavana ra o Ieteta, 41 o te tavana ra o Aholibama, e te tavana ra o Ela, e te tavana ra o Pinona, 42 o te tavana ra o Kenaza, e te tavana ra o Temana, e te tavana ra o Mibezara, 43 o te tavana ra o Magadiela, e te tavana ra o Irama: o na tavana ïa i Edoma, i to ratou ra mau fare i te fenua ta ratou i parahi ra: oia hoi o Esau, o te metua o te ati Edoma ra.