Genese
TO IAKOBA RAUA O ESAU FAREREIRAA MA TE HAU.
33 Ua nânâ aˈera Iakoba i tana mata i nia, e ite atura ia Esau i te haerea mai, e te taata atoa hoi e maha atoa hanere. Ua opere ihora oia i te mau tamarii ra, i ta Lea, e ta Rahela, e ta ˈna vahine tavini ra. 2 Ua tuu atura oia i na vahine tavini toopiti e ta raua pue tamarii i mua, e muri aˈe o Lea ïa e ta ˈna atoa pue tamarii, e muri roa aˈe o Rahela ïa raua o Iosepha. 3 Ua haere atura oia na mua ia ratou; ua piˈo ihora oia i raro i te repo e a hitu aˈera piˈoraa, e fatata roa aˈera tana tuaana ia ˈna. 4 Ua horo maira Esau e farerei ia ˈna, tauahi maira ia ˈna, i nia i tana aˈî, e ua hôˈi maira ia ˈna; oto ihora raua atoa. 5 Ua nânâ aˈera to ˈna mata i nia, ite maira i te mau vahine e te mau tamarii, e ua na ô maira, O vai teie nei feia e pee ia oe nei? Ua parau atura Iakoba, E tamarii ïa na te Atua i horoa mai na to tavini nei. 6 Ua haere maira na vahine tavini e ta raua tau tamarii i pihaiiho, ua piˈo ihora i raro. 7 Ua haere atoa maira hoi Lea e ta ˈna ra pue tamarii i pihaiiho, e ua piˈo ihora i raro; e muri aˈera, ua haere maira Rahela raua o Iosepha i pihaiiho, e ua piˈo ihora i raro. 8 Ua parau maira oia, Eaha te tiaa rahi puaa ta ˈu i farerei iho nei? Ua parau atura oia, Ia itehia mai au e oe, e tau raatira. 9 Ua parau maira Esau, E taoˈa rahi ta ˈu, e tau taeae; e mau oe i ta oe ra na oe iho. 10 Ua parau atura Iakoba, Eiaha, teie ta ˈu parau ia oe, ua itehia mai au e oe ra, e farii mai oe i ta ˈu nei ô i tau rima nei; i tae mai ai au i mua i to aro nei, mai te mea e i haere mai i mua i te aro o te Atua ra, ia ite mai oe ia ˈu: 11 a rave mai oe i ta ˈu nei ô i hopoihia mai e au ia oe nei, no te mea, ua hamani maitai mai te Atua ia ˈu nei, e no te mea, aita e taoˈa toe ia ˈu nei. Mârô maite atura oia, e ua rave ihora i taua taoˈa ra.
12 Ua parau maira Esau, Mai haere tatou; e na mua vau ia oe. 13 Ua parau atura râ Iakoba ia ˈna, Ua ite hoi oe, e tau raatira e, e mea paruparu te tamarii; e e mamoe na te pinia teie, e te puaatoro ma te pinia; e ia tiaha-ru-noa-hia ra, e mahana hoê nei â, ua pohe ïa taua tiaa puaa atoa nei: 14 a haere oe, e tau raatira, na mua i to tavini nei; e na ˈu teie e aratai maite atu, i te aratai e au i te mau puaa e na mua ia ˈu nei, e te mau tamarii, e tae noa ˈtu vau i Seira ia oe na, e tau raatira e. 15 Ua parau maira Esau, E vaiiho maori au i te tahi pae taata o ˈu i ô nei ia oe nei. Ua parau atura râ oia, Eiaha anaˈe â te reira? o vau, ia itehia mai au e oe, e tau raatira e!
16 Hoˈi atura Esau i to ˈna haerea i Seira i taua mahana ra. 17 Haere atura Iakoba i Sukota, faatia ihora i te fare no ˈna, e ua rave i te mau fare no te puaa; i mairihia ˈi te iˈoa o taua vahi ra ia Sukota.
18 Tae ora maira Iakoba i te oire ra i Sekema, i te fenua ra o Kanaana, a haere mai ai oia mai Padana-arama maira; e ua patia ihora oia i to ˈna tiahapa i mua ˈˈe i taua oire ra. 19 E ua hoo ihora oia i te hoê maa fenua i taua patiaraa tiahapa no ˈna ra, i te tamarii a Hamora metua no Sekema ra, i na moni hoê hanere ra. 20 E ua faatia oia i te hoê fata i reira, e ua parau ihora oia i taua fata ra, o te fata na Eli-elohe-Iseraela.