Isaia
9 Tera râ, e ere te rumaruma mai te taime i ahoaho ai te fenua, mai na mua ˈˈe a vahavahahia ˈi te fenua o Zebuluna e te fenua o Naphatali.+ I muri iho, e rave Oia ia faaturahia te eˈa i pihai iho i te miti, i te tuhaa fenua o Ioridana, o Galilea o te mau nunaa.
2 Te feia tei haere na i roto i te poiri,
E maramarama rahi ta ratou i ite.
Oia atoa te feia e parahi ra i te fenua o te poiri rahi,
Ua anaana te maramarama i nia ia ratou.+
3 Ua faarahi oe i te nunaa.
Ua faarahi oe i to ratou oaoa.
E oaoa ratou i mua ia oe
Mai te nunaa o te oaoa i te tau ootiraa,
Mai te feia o te tufa ma te oaoa i te mau taoˈa haruhia.
4 Ua vavahi hoi oe i te zugo e faateimaha ra ia ratou,
Te raau i nia i to ratou tapono, te raau a te tiaau ohipa,
Mai i te mahana ra o Midiana.+
5 Pauroa te tiaa o te faehau o te faaaueue i te fenua ia haere ratou
E pauroa te ahu tei puru i te toto
Te riro mai te vahie no te auahi.
E topahia to ˈna iˈoa o Aˈo faahiahia,+ Atua puai,+ Metua mure ore, Huiarii o te hau.
7 E aano noa ˈtu â ta ˈna faatereraa*
E te hau aita e hopearaa,+
I nia i te terono o Davida+ e i roto i ta ˈna faatereraa arii.
E haamau-papu-hia+ e e turuhia te reira
Na roto i te parau-tia+ e te afaro,+
Mai teie nei e a muri noa ˈtu.
Na te itoito rahi o Iehova o te mau nuu* e rave i te reira.
9 E te nunaa taatoa te ite i te reira,
O Epheraima e to Samaria,
O te parau ra ma te faateitei e te teoteo o te aau:
Ua tâpûhia te tumu sukamino,
E mono râ matou i te reira i te tumu arezi.”
11 E faatia Iehova i te mau enemi o Rezina no te aro ia ˈna
E e turai oia i to ˈna mau enemi ia ohipa,
12 o Suria na hitia o te râ mai e te mau Philiseti na tooa o te râ mai,*+
E pau o Iseraela i te amuhia e ratou ma te vaha hamǎmǎ.+
No teie mau mea atoa i ore ai to ˈna riri i pee,
Mea toro noa râ to ˈna rima no te tairi.+
15 O te matahiapo e o tei faatura-roa-hia te upoo,
E o te peropheta e horoa ra i te mau haapiiraa hape te aero.+
16 Na te feia o te aratai ra i teie nunaa e faaovere ra ia ratou,
E ua painu te feia e arataihia ra.
17 No reira Iehova e ore ai e mauruuru i to ratou feia apî,
E eita oia e aroha i ta ratou mau tamarii aita e metua tane* e to ratou mau vahine ivi
No te mea e feia taiva e e feia ohipa ino ratou pauroa+
E e parau auraa ore anaˈe ta te mau vaha atoa.
No teie mau mea atoa i ore ai to ˈna riri i pee,
Mea toro noa râ to ˈna rima no te tairi.+
18 Te ama ra hoi te ino mai te auahi,
A pau atu ai te raau taratara e te zizania.
E ama te mau ruru aihere o te uru raau,
E e pee te reira ei ata au auahi.
19 No te riri rahi o Iehova o te mau nuu
I ama ˈi te fenua i te auahi,
E e riro te nunaa mai te vahie no te auahi.
Aita hoê e faaherehere i to ˈna atoa taeae.
E amu te taata tataitahi i te iˈo o to ˈna iho rima,
21 E amu Manase ia Epheraima,
E Epheraima ia Manase.
E aro amui raua ia Iuda.+
No teie mau mea atoa i ore ai to ˈna riri i pee,
Mea toro noa râ to ˈna rima no te tairi.+