Isaia

51 “A faaroo mai ia ˈu, outou e tapi ra i te parau-tia,

Outou e imi ra ia Iehova.

A hiˈo i te mato mai reira outou i te tarairaahia

E i te paoraa ofai mai reira outou i te paoraahia.

 2 A hiˈo ia Aberahama to outou metua tane

E ia Sara+ tei fanau mai ia outou.*

Hoê noa hoi taata oia i to ˈu piiraa ia ˈna,+

E ua haamaitai au ia ˈna e ua faarahi au i to ˈna huaai.+

E hopoi mai oia i te tamahanahanaraa i to ˈna mau vahi ano atoa,+

E e faariro oia i to ˈna medebara mai ia Edene+

E to ˈna vahi papu pâpâmǎrô mai te ô a Iehova.+

E itehia i ǒ ˈna te umere e te oaoa,

Te haamauruururaa e te himene navenave.+

 4 A faaroo maitai mai ia ˈu, e to ˈu mau taata,

E a horoa mai i te tariˈa faaroo, to ˈu nunaa.+

Mai ia ˈu atu nei hoi e matara ˈi te tahi ture,+

E e haamau vau i ta ˈu parau-tia ei maramarama no te mau nunaa.+

E haere atu ta ˈu faaoraraa,+

E na to ˈu rima e haava i te mau nunaa.+

Ia ˈu nei e tiaturi ai te mau motu,+

E i to ˈu rima* e tiai ai ratou.

 6 A hiˈo i nia i te raˈi,

E a hiˈo i te fenua i raro.

E moˈe hoi te raˈi mai te au auahi.

E ino te fenua mai te ahu,

E e pohe to reira mau taata mai te naonao.

Area ta ˈu faaoraraa, mea mure ore ïa,+

E e ore roa ta ˈu parau-tia e mou.*+

 7 A faaroo mai ia ˈu, outou tei ite i te parau-tia,

Te nunaa to roto ta ˈu ture* i to outou aau.+

Eiaha e mǎtaˈu i te mau faatihaehaeraa a te taata,

E eiaha e riaria no ta ratou mau faainoraa.

 8 E pau hoi ratou i te amuhia e te manumanu mai te tahi ahu.

E amuhia ratou e te manumanu* mai te huruhuru mamoe.+

Area ta ˈu parau-tia, e vai noa ïa e a muri noa ˈtu,

E ta ˈu faaoraraa no te mau uˈi atoa.”+

 9 A ara mai! A ara mai! A ahu mai i te puai,

E te rima o Iehova e!+

E ere anei na oe i faahuˈahuˈa ia Rahaba,*+

I patia i te animara rahi o te miti?+

E tomo ratou i Ziona ma te umere,+

E e faaheihia ratou i* te oaoa mure ore.+

E umere e e oaoa ratou,

E e horo ê te oto e te autâ.+

Eaha ïa oe e mǎtaˈu ai i te taata o te pohe i te hoê mahana+

E i te tamaiti a te taata o te oriorio mai te aihere?

13 Eaha oe e haamoˈe ai ia Iehova tei hamani ia oe,+

Tei hohora i te raˈi+ e tei haamau i te niu o te fenua?

I mǎtaˈu noa na oe i te mahana taatoa i te hae o te taata haavî,*

Mai te huru ra e haere ia ˈna ia haamou ia oe.

14 Fatata tei fefe i te mau fifi auri i te faatiamâhia.+

E ore oia e pohe e e pou i te apoo,

E ore atoa oia e ere i ta ˈna maa.

15 O vau râ Iehova to oe Atua,

O te faaarepurepu i te miti, a haruru atu ai to ˈna mau are.+

O Iehova o te mau nuu* to ˈu iˈoa.+

16 E tuu vau i ta ˈu mau parau i roto i to oe vaha,

E e tapoˈi au ia oe i te marumaru o to ˈu rima,+

No te haamau i te raˈi e te niu o te fenua+

E no te parau ia Ziona: ‘O outou to ˈu nunaa.’+

17 A ara mai! A ara mai! A tia mai, e Ierusalema,+

Oe tei inu i te auˈa o te riri rahi tahoo mai roto mai i te rima o Iehova.

Ua inu oe i te auˈa uaina.

Ua pau ia oe te auˈa o te haaperetete.+

18 Aita hoê aˈe o te mau tamarii ta ˈna i fanau mai i reira no te aratai ia ˈna,

E aita hoê aˈe o te mau tamarii ta ˈna i rave i tapea i to ˈna rima.

Ua tarava ratou na te mau poro aroâ

Mai te mamoe oviri i roto i te upeˈa.

21 No reira, a faaroo mai na i teie parau,

Oe te vahine i roto i te ati e tei taero, eiaha râ i te uaina.

“Inaha, e rave au mai roto mai i to oe rima i te auˈa o te haaperetete,+

Te auˈa uaina, ta ˈu auˈa o te riri rahi tahoo.

E ore roa oe e inu faahou i te reira.+

23 E tuu vau i te reira i roto i te rima o te feia e haamauiui ia oe,+

O tei parau ia oe: ‘A piˈo i raro ia nehenehe matou e haere na nia iho ia oe!’

Faariro ihora ïa oe i to oe tua mai te repo,

Mai te tahi aroâ e haere ai ratou na reira.”