Maseli

 2 Eaha ta ˈu e parau ia oe, e ta ˈu tamaiti?

Eaha ta ˈu e parau atu, e te tamaiti o to ˈu opu?

Eaha ta ˈu e parau atu, e te tamaiti o ta ˈu mau euhe?+

 3 Eiaha e horoa i to oe itoito no te mau vahine,+

Eiaha e pee i te haerea e mou ai te mau arii.+

 4 E ere na te mau arii, e Lemuela,

E ere na te mau arii e inu i te uaina,

E ere atoa na te mau faatere e parau: “Teihea ta matou inu?”+

 5 Ia inu hoi ratou, e moˈe ia ratou te ture

E e faaere ratou i te feia riirii i to ratou mau tiaraa.

 6 A horoa i te ava na te feia e fatata ra i te pohe+

E te uaina na te feia i roto i te ahoaho rahi.*+

 7 Ia inu ratou e ia haamoˈe i to ratou veve.

Ia ore ratou e haamanaˈo faahou i to ratou ati.

 8 A paraparau no te paturu i te vava.

A paruru i te mau tiaraa o te feia atoa e fatata ra i te pohe.+

 9 A paraparau e a haava ma te parau-tia.

A paruru i te mau tiaraa o te feia riirii e te feia veve.*+

11 E tiaturi ta ˈna tane faaipoipo ia ˈna ma to ˈna aau atoa,

E aita oia e ere ra i te tahi mea faufaa.

12 E haamauruuru ta ˈna vahine faaipoipo ia ˈna i te maitai, eiaha i te ino,

Pauroa te mahana o to ˈna oraraa.

13 E noaa mai ia ˈna te huruhuru mamoe e te lino.

Mea au na ˈna e rave i te ohipa e to ˈna rima.+

14 E au oia i te mau pahi a te taata tapihoo,+

E faahaere mai oia i ta ˈna maa na te mau fenua atea mai.

15 E tia atoa mai oia te po noa ra,

E horoa oia na to ˈna utuafare i te maa

E na ta ˈna mau tavini vahine i ta ratou tuhaa.+

16 Tei nia to ˈna feruriraa i te tahi fenua e e hoo mai oia i te reira,

E tanu oia i te vine maoti ta ˈna iho rohiraa.*

17 E faaineine oia ia ˈna no te rohi,*+

E e faaetaeta oia i to ˈna rima.

18 E ite oia e mea hoona ta ˈna imiraa.

Eita ta ˈna mori e pohe i te po.

19 E haru to ˈna rima i te pheleke,

E e rave mai to ˈna rima i te kisura.*+

20 E toro oia i to ˈna apu rima i te taata riirii,

E e hohora oia i to ˈna rima i mua i te taata veve.+

21 Eita oia e haapeapea no to ˈna utuafare no te hiona,

E ahu mahanahana* hoi to nia iho i to ˈna utuafare taatoa.

23 Mea matau-maitai-hia ta ˈna tane faaipoipo i te mau uputa o te oire,+

I reira oia e parahi ai i rotopu i te mau matahiapo o te fenua.

24 E hamani e e hoo atu oia i te ahu lino*

E e hoo atu oia i te hatua i te feia tapihoo.

25 Ua ahuhia oia i te puai e te unauna,

E te hiˈo ra oia i te ananahi ma te tiaturi.*

26 E parau to ˈna vaha i te paari.+

Tei nia iho te ture o te hamani maitai* i to ˈna arero.

27 E haapao oia ia rave-maitai-hia te ohipa i te fare,

E eita oia e amu i te maa o te faatau.+

28 E tia mai ta ˈna mau tamarii e e haapopou ia ˈna.

E tia mai ta ˈna tane faaipoipo e e haapopou ia ˈna.

29 Mea rahi te vahine e huru maitatai to ratou,*

Area oe, ua hau aˈe ïa ia ratou pauroa.

30 Mea haavarevare â te nehenehe, e e mou oioi* â te purotu,+

Area te vahine e mǎtaˈu ra ia Iehova, e haapopouhia ïa.+

31 A haamauruuru ia ˈna no ta ˈna e rave ra,*+

E ia haapopouhia oia no ta ˈna mau ohipa i te mau uputa o te oire.+