Salamo
Salamo. Himene no te mahana Sabati.
92 Mea maitai ia haamauruuru ia Iehova+
E ia himene i te arueraa* i to iˈoa, e Tei Teitei Roa ˈˈe,
2 Ia faaite i to here taiva ore+ i te poipoi
E to haapao maitai i te mau po,
3 Apeehia e te upaupa ahuru taura e te nabala,
E te taˈi navenave o te kinura.+
4 Ua faaoaoa hoi oe ia ˈu, e Iehova, no ta oe mau ohipa.
No te mau ohipa a to rima, te umere nei au.
5 Auê te rahi o ta oe mau ohipa, e Iehova!+
Mea hohonu mau to oe mau manaˈo!+
6 Eita te taata aita to ˈna e feruriraa e taa i te reira.
Eita atoa te feia maamaa e taa i teie parau:+
7 Ia oteo te feia ino mai te zizania*
E ia tupu ruperupe te feia ohipa ino,
E haamouhia ïa ratou e a muri noa ˈtu.+
8 Ua hau aˈe râ oe i te teitei ia vetahi ê, e Iehova, e a muri noa ˈtu.
9 Oia hoi, a mataitai i to oe mau enemi ia pau ratou, e Iehova,
A hiˈo i to oe mau enemi ia pohe ratou.
E haapurara-pauroa-hia te taata ohipa ino.+
10 E faarahi râ oe i to ˈu puai* mai to te puaatoro oni oviri ra.
E tavai au i to ˈu iri i te monoˈi apî.+
11 E mataitai to ˈu mata i to ˈu mau enemi ia pau ratou.+
E faaroo to ˈu tariˈa ia hiˈa te feia ohipa ino o te aro ra ia ˈu.
12 E tupu ruperupe râ te taata parau-tia mai te hoê tumu tamara
E e rarahi roa mai mai te tumu arezi i Lebanona.+
13 Tei roto i te fare o Iehova ratou i te tanuraahia.
Te tupu ruperupe nei ratou i roto i te mau aua o to tatou Atua.+
O ˈna to ˈu Mato,+ eita roa ˈtu oia e rave i te mea parau-tia ore.