Salamo
Salamo a Asapha.+
79 E te Atua e, ua haere mai te mau nunaa ěê e aro i to tuhaa tutuuhia.+
Ua haaviivii ratou i to hiero moˈa.+
Ua faariro ratou ia Ierusalema ei haapueraa huˈahuˈa.+
2 Ua horoa ratou i te tino pohe o ta oe mau tavini ei maa na te mau manu o te raˈi
E te iˈo o to oe mau taata taiva ore na te mau animara oviri o te fenua.+
3 Ua manii ratou i to ratou toto mai te pape ati aˈe ia Ierusalema,
E aita e taata faahou no te huna ia ratou.+
4 Ua riro matou ei vahavaharaa na to matou mau taata tupu.+
Te faaooohia ra e te atahia ra matou e te feia ati aˈe ia matou.
5 E Iehova, ehia maororaa oe e riri ai? E riri anei oe e a muri noa ˈtu?+
Ehia maororaa to oe inoino e ama ˈi mai te auahi?+
6 A ninii i to oe riri rahi tahoo i nia i te mau nunaa o tei ore i ite o vai oe
E i nia i te mau faatereraa arii o te ore e tiaoro ra i to oe iˈoa.+
8 Eiaha e faahapa ia matou no te mau hapa a to matou mau tupuna.+
A faaite oioi mai i to aroha hamani maitai,+
E hepohepo rahi hoi to matou.
9 A tauturu mai ia matou, e te Atua o to matou faaoraraa,+
No to iˈoa hanahana.
A faaora ia matou e a faaore* i ta matou mau hara no to iˈoa.+
10 Eaha hoi te mau nunaa e parau ai: “Teihea to ratou Atua?”+
I mua i to matou mata, ia faaitehia i te mau nunaa
E ua tahoohia te toto o ta oe mau tavini o tei haamaniihia.+
11 Ia faaroo oe i te autâ a te taata o tei tapeahia.+
A faaohipa i to puai* rahi no te faaora* i tei faautuahia i te pohe.*+