Salamo
Na te aratai o te feia himene, na Iedutuna.* Salamo a Asapha.+
2 I te mahana e ahoaho ai au, e imi au ia Iehova.+
I te po, eita vau e faaea i te haamahora i to ˈu rima ia ˈna ra.
Eita e nehenehe e tamahanahana ia ˈu.
4 Te faaaraara nei oe i to ˈu mata.
Te horuhoru nei au e aita e haere ra ia ˈu ia paraparau.
6 I te po, e haamanaˈo vau i ta ˈu himene.+
E feruri au i roto i to ˈu aau.+
E imi maite au i te pahonoraa i teie mau uiraa:
7 E patoi noa anei Iehova ia tatou?+
Eita iho â anei oia e faaite faahou mai i ta ˈna farii maitai?+
8 Ua ore roa anei to ˈna here taiva ore?
Eita iho â anei te mau uˈi e ite i te tupuraa o ta ˈna i fafau?
9 Ua moˈe anei i te Atua i te faaite i ta ˈna farii maitai,+
Aore ra no to ˈna riri i ore ai to ˈna aroha hamani maitai? (Sela)
10 Ia parau noa anei au: “Teie te mea e oto ai au:+
Ua taui Tei Teitei Roa ˈˈe i ta ˈna raveraa* i nia ia tatou”?
11 E haamanaˈo vau i te mau ohipa a Ia.
E haamanaˈo vau i ta oe mau ohipa faahiahia no mutaa ihora.
13 E te Atua e, mea moˈa to oe mau eˈa.
O vai te atua e tuea ia oe i te rahi, e te Atua e?+
14 O oe te Atua mau o te rave i te mau mea faahiahia.+
Ua faaite oe i to puai i te mau nunaa.+
E ua arepurepu te mau pape hohonu.
17 Ua haamanii mai te mau ata i te pape.
Ua haruru te raˈi tapoˈipoˈi,
E ua maue haere ta oe mau teˈa.+
18 E au te haruru o ta oe patiri+ i to te huira pereoo.
Ua turama te uira i te fenua nei.*+
Ua hautiuti e ua aueue te fenua.+