Salamo

Na te aratai o te feia himene, i nia “Eiaha e haamou.” Himene a Asapha.+

75 Te haamauruuru nei matou ia oe, e te Atua e, te haamauruuru nei matou ia oe.

Tei pihai iho to iˈoa ia matou,+

E te faaite nei te taata i ta oe mau ohipa faahiahia.

2 Te parau nei oe: “Ia faataa vau i te hoê taime no te haava,

E haava vau ma te parau-tia.

3 I te tarapaperaa te fenua nei e te taata atoa,

Na ˈu i haapaari i to ˈna mau pou.” (Sela)

4 Te parau ra vau i te feia faatietie: “Eiaha e faatietie,”

E i te feia ino: “Eiaha e faateitei i to outou puai.*

5 Eiaha e faateitei roa i to outou puai.*

Eiaha e paraparau ma te teoteo.

6 E ere hoi te faateitei

No hitia o te râ, tooa o te râ aore ra apatoa mai.

7 E Haava hoi te Atua.+

Na ˈna e faahaehaa i te hoê taata e na ˈna e faateitei i te tahi atu.+

8 E hapaina hoi to roto i te rima o Iehova.+

Te faahopue ra te uaina e ua anoi-maitai-hia.

E manii mau â te Atua i te reira,

E e inu te feia ino atoa o te fenua nei i te reira e tae roa ˈtu i te topata hopea.”+

9 O vau râ, e faaite au i te reira e a muri noa ˈtu.

E himene au i te arueraa* i te Atua o Iakoba.

10 Te parau ra hoi oia: “E faaore au i te puai* taatoa o te feia ino,

E faateiteihia râ te puai* o te feia parau-tia.”