Salamo

 2 A paruru ia ˈu i te mau opuaraa huna a te feia ino,+

I te nahoa feia ohipa ino.

 3 Te faaoi ra ratou i to ratou arero mai te hoê ˈoˈe.

Te taora ra ratou i te parau haamauiui mai te teˈa,

 4 No te teˈa i te taata hapa ore mai roto mai i to ratou vahi tapuniraa.

Te teˈa ru ra ratou ia ˈna ma te mǎtaˈu ore.

 5 Te tamau noa ra ratou i roto i ta ratou opuaraa ino.*

Te paraparau ra ratou e nafea ia huna i ta ratou mau marei.

 6 Te imi ra ratou i te tahi mau raveraa iino apî.

Te faaineine ra ratou i ta ratou opuaraa maramarama ma te huna.+

Eita e nehenehe e ite i te manaˈo e vai ra i roto i te aau o te taata tataitahi.

 7 E teˈa râ te Atua ia ratou.+

E pepe ratou i te teˈa.

 8 E hiˈa ratou i to ratou iho arero.+

E tairiiri te taata atoa o te ite i te reira i to ratou upoo.

 9 E mǎtaˈu te taata atoa,

E e faaite ratou eaha ta te Atua i rave,

E e taa ia ratou ta ˈna mau ohipa.+

10 E oaoa te taata parau-tia ia Iehova a imi atu ai i te haapuraa ia ˈna ra.+

E umere te feia aau tia.