Salamo

Na te aratai o te feia himene, ia apeehia i te upaupa taura. Na Davida.

61 A faaroo mai, e te Atua e, i ta ˈu aniraa i te tauturu.

A fariu mai na i to tariˈa i ta ˈu pure.+

2 Ia hepohepo* to ˈu aau,

E tiaoro vau ia oe mai te hopea mai o te fenua.+

A aratai ia ˈu i nia i te hoê mato teitei aˈe ia ˈu.+

3 O oe hoi to ˈu haapuraa,

Te hoê pare etaeta o te paruru ia ˈu i te enemi.+

4 E parahi au i roto i to tiahapa e a muri noa ˈtu.+

E imi au i te haapuraa i raro aˈe i to mau pererau.+ (Sela)

5 Ua faaroo hoi oe i ta ˈu i euhe, e te Atua e.

Ua horoa mai oe na ˈu i te tuhaa tutuuhia i te feia e mǎtaˈu ra i to iˈoa.+

6 E haamaoro atu â oe i te ora* o te arii,+

E maoro atu â to ˈna mau matahiti mai tera uˈi e tera uˈi.

7 E parahi oia i nia i to ˈna terono i mua i te Atua e a muri noa ˈtu.+

A horoa ˈtu i to here taiva ore e to haapao maitai, ia tiai te reira ia ˈna.+

8 E himene au i te arueraa* i to iˈoa e a muri noa ˈtu+

A haapao ai au i ta ˈu i euhe i te mau mahana atoa.+